သြစတြေးလျနှင့်ပွဲတွင် ရလဒ်ကောင်းရရန် မျှော်မှန်းထားဟု မြန်မာအသင်း နည်းပြ ပြော

1

 

AFF VIETCOMBANK U-19 Championship 2016 ဘောလုံးပြိုင်ပွဲ ၀င်ရောက်ယှဉ်ပြိုင်နေသည့် မြန်မာ့လက်ရွေးစင် ယူ ၁၉ ဘောလုံးအသင်းသည် အုပ်စုဒုတိယပွဲစဉ်အဖြစ် သြစတြေးလျအသင်းနှင့် ယှဉ်ပြိုင်ကစားရမည်ဖြစ်ပြီး အဆိုပါပွဲတွင် ရလဒ်ကောင်းရရန် မျှော်မှန်းထားသည်ဟု အသင်းနည်းပြ ဦးမျိုးလှိုင်ဝင်းက ပြောသည်။

2

စက်တင်ဘာ ၁၄ ရက်၊ မြန်မာစံတော်ချိန် ညနေ ၃း၃၀ ၊ ဟန်ဒေးဘောလုံးကွင်းတွင် မြန်မာအသင်းနှင့် သြစတြေးလျအသင်းတို့ ယှဉ်ပြိုင်ကစားကြမည်ဖြစ်သည်။ မြန်မာအသင်းသည် အုပ်စု ပထမပွဲစဉ်တွင် အင်ဒိုနီးရှားအသင်းကို ၃-၂ ဂိုးဖြင့် အနိုင်ရရှိထားသလို သြစတြေးလျအသင်းမှာလည်း ပွဲဦးထွက်တွင် ကမ္ဘောဒီးယားအသင်းကို ၂-၀ ဂိုးဖြင့် အနိုင်ရထားသည်။ “ ပွဲဦးထွက်မှာ ကစား သမားတွေမှာထားတဲ့ အတိုင်း အကောင်းဆုံးကစားနိုင်ခဲ့တယ်။ လိုချင်တဲ့ အနိုင်သုံးမှတ်လဲ ရခဲ့တယ်။ ဒုတိယပွဲအဖြစ် ကစား ရမယ့် သြစတြေးလျအသင်းက တောင့်တင်းကြံ့ခိုင်တဲ့အသင်းတစ်သင်းပါ။ သူတို့ကစားထားတဲ့ ပွဲကိုလဲ ကြည့်ထားပြီးပါပြီ။ ဒီပွဲမှာလဲ အနိုင်ရ ဖို့ မျှော်လင့်ထားပါတယ်”ဟု မြန်မာ ယူ ၁၉ အသင်းနည်းပြ ဦးမျိုးလှိုင်ဝင်းက ပြောသည်။

အာဆီယံ ယူ-၁၉ ချန်ပီယံရှစ်ဘောလုံးပြိုင်ပွဲ၊ အုပ်စု(ခ)တွင် မြန်မာ ယူ ၁၉ အသင်းသည် ထိုင်း၊ လာအို၊ သြစတြေးလျ၊ အင်ဒိုနီးရှား၊ ကမ္ဘောဒီးယားအသင်းတို့နှင့် တစ်အုပ်စုထဲ ကျရောက်နေပြီး လက်ရှိအချိန်တွင် တစ်ပွဲကစား၊ တစ်ပွဲ နိုင် ရမှတ်သုံးမှတ်ဖြင့် အမှတ်ပေးဇယား ဒုတိယနေရာတွင် ရပ်တည်နေသည်။ မြန်မာအသင်းနှင့် သြစတြေးလျအသင်းတို့ပွဲစဉ်ကို အောက်ဖော်ပြပါ Youtube Link မှ တိုက်ရိုက်ပြသမည်ဖြစ်သည်။

https://www.youtube.com/watch?v=XKcUWG6P6kY

Leave a Reply

Your email address will not be published. Required fields are marked *