AFC “A” Certificate Coaching Course 2016 သင်တန်းဖွင့်လှစ်

701a1845

အာရှဘောလုံးအဖွဲ့ချုပ် ‘အေ’ လိုင်စင် နည်းပြသင်တန်း ဖွင့်ပွဲအခမ်းအနားကို အောက်တိုဘာလ ၁၇ ရက်နေ့ မနက်က မြန်မာနိုင်ငံဘောလုံးအဖွဲ့ချုပ် အစည်းအဝေးခန်းမ၌ ကျင်းပခဲ့သည်။ အဆိုပါအခမ်းအနားကို မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်၊ သင်တန်းနည်းပြဆရာ Mr. Morteza Mohases ၊ မြန်မာနိုင်ငံဘောလုံးအဖွဲ့ချုပ်အမှုဆောင်အရာရှိချုပ် ဦးဘုန်းနိုင်ဇော်၊မြန်မာနေရှင်နယ်လိဂ် အမှုဆောင်အရာရှိချုပ် ဦးစိုးမိုးကျော်နှင့် တာဝန်ရှိသူများ၊ သင်တန်းသားများ တက်ရောက်ကြသည်။

701a1818

ရှေးဦးစွာ မြန်မာနိုင်ငံဘောလုံးအဖွဲ့ချုပ် ဦးဇော်ဇော်နှင့် နည်းပြဆရာ Mr. Morteza Mohases တို့ကို သင်တန်းသား တစ်ဦးချင်းစီနှင့် မိတ်ဆက်ကြသည်။ ထို့နောက် မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်က ” ဒီသင်တန်းမှာ ဘောလုံးသမားဟောင်းအများစု တက်ရောက်ကြတာတွေ့တဲ့အတွက် ဝမ်းသာပါကြောင်း၊ နည်းပြတစ်ယောက်အနေနဲ့ ဘောလုံးသမားတွေကို သင်ပေးနိုင်ရုံသာမကပဲ အဝတ်အစား၊ အနေအထိုင်ကအစ စံပြဖြစ်နေဖို့ လိုကြောင်း၊ ကစားသမားတွေကို နားလည်အောင် ရှင်းပြနိုင်ဖို့ presentation skill လည်း ကောင်းဖို့လိုကြောင်း၊ နိုင်ငံအတွက် လိုအပ်နေသည့် နည်းပြကောင်းတွေဖြစ်ဖို့ ကြိုးစားကြစေလိုကြောင်း” ပြောကြားသွားသည်။

701a1834

ထို့နောက် သင်တန်းနည်းပြဆရာ Mr. Morteza Mohases က ဘောလုံးဟာ ဘဝရဲ့ သင်တန်းကျောင်းတစ်ခုဖြစ်ကြောင်း၊ သူ့အနေနဲ့ ဘောလုံးနည်းစနစ်ပိုင်းသာမကပဲ ကိုယ့်ကျင့်တရားတွေ၊ သိက္ခာတွေ၊ ဘဝနေထိုင်မှုတွေကိုပါ စံပြဖြစ်အောင် လေ့ကျင့်ပေးသွားမည်ဖြစ်ကြောင်း၊ မြန်မာဘောလုံးလောကအတွက် ကြိုးစားဆောင်ရွက်ပေးနေသော ဥက္ကဋ္ဌ ဦးဇော်ဇော်ကိုလည်း ချီးကျူးပါကြောင်း ပြောကြားပြီး အခမ်းအနားကို ရုပ်သိမ်းခဲ့ပါသည်။

အာရှဘောလုံးအဖွဲ့ချုပ် အေလိုင်စင် နည်းပြသင်တန်းကို အောက်တိုဘာလ ၁၇ရက်နေ့မှ နိုဝင်ဘာလ ၁၂ ရက်နေ့ထိ ဖွင့်လှစ်မည်ဖြစ်ပြီး သင်တန်းသား ၂၄ ဦးတက်ရောက်လျက်ရှိသည်။

Leave a Reply

Your email address will not be published. Required fields are marked *