MNL Media Officer Course 2015

MNL Media Officer Course 2015

မြန်မာနေရှင်နယ်လိဂ် (MNL) ပြိုင်ပွဲများဖြစ်သည့် MNL (1), MNL (2), MNL လူငယ်ပြိုင်ပွဲများ၊ ဗိုလ်ချုပ်အောင်ဆန်းဒိုင်းနှင့် အခြား ပြိုင်ပွဲများ၊ မြန်မာ့လက်ရွေးစင် အသင်းအသီးသီး၏ နိုင်ငံတကာ ပြိုင်ပွဲများ၊ ဖူဆယ်နှင့် အခြား ပြိုင်ပွဲများတွင် တာဝန် ထမ်းဆောင်နိုင်မည့် Media Officer များ မွေးထုတ်ပေးရေးအတွက် Myanmar National League မှ မီဒီယာ အရာရှိ သင်တန်း MNL  Media Officer Course 2015 ကို လာမည့် ဒီဇင်ဘာလ ၁၄၊ ၁၅၊ ၁၆ ရက်နေ့များတွင် နေ့စဉ် မနက် ၉း၀၀ နာရီမှ ညနေ ၄း၃၀ နာရီအထိ မြန်မာနိုင်ငံ ဘောလုံး အဖွဲ့ချုပ် အစည်းအဝေး ခန်းမတွင် ဖွင့်လှစ်သွားမည် ဖြစ်ပါသည်။

MNL Media Officer Course 2015 မီဒီယာ အရာရှိ သင်တန်း တက်ရောက်လိုသူများအား MFF နှင့် MNL  ပြိုင်ပွဲအသီးသီးတွင် Media Officer (MO) အဖြစ် တာဝန်ပေးအပ်မှုကို စိတ်ပါဝင်စားစွာ ဆောင်ရွက်နိုင်သူများအား ဦးစားပေး ရွေးချယ်သွားမည် ဖြစ်ပါသည်။ ထူးချွန် သင်တန်းသားများအား ပြိုင်ပွဲအဆင့်အတန်း အလိုက် ခန့်အပ်တာဝန် ပေးသွားမည်ဖြစ်ပြီး ထိုက်သင့်သည့် ပွဲကိုင်တွယ်ကြေးငွေ ခံစားခွင့်ရှိမည်ဖြစ်သည် (မှတ်ချက်- အမြဲတမ်း လခစား ၀န်ထမ်းမဟုတ်ပါ။ ပွဲရှိသည့် နေ့တွင်သာ တာဝန်ယူရန် ဖြစ်သည်)။

သင်တန်းမှ ၀န်ဆောင်ပေးမှုများ-
(၁) သင်တန်းကြေး ပေးသွင်းရန် မလို။
(၂) သင်တန်း (၃)ရက်အတွင်း နေ့လည်စာ (ထမင်း၊ဟင်း)၊ ကော်ဖီနှင့်မုန့် များအား သင်တန်းမှ ကျခံပေးမည်ဖြစ်သည်။
(၃) သင်တန်းကာလအတွင်း ၀တ်ဆင်ရန် အကျီ င်္(Polo Shirt) တစ်ထည်နှင့် စာရေးကိရိယာများ ထုတ်ပေးမည်ဖြစ်သည်။
(၄) သင်တန်းဆင်းလက်မှတ် Certificate ထုတ်ပေးမည်ဖြစ်သည်။
(၅) သင်တန်းသား ဦးရေသည် (၃၀) ဦးသာ ဖြစ်သည်။
(၆) ကျား-မ / အိမ်ထောင်ရှိ-မရှိ ခွဲခြားခြင်း မရှိပါ။

အရည်အချင်း ကန့်သတ်ချက်များ
(၁) အနိမ့်ဆုံး ဘွဲ့တစ်ခုခု ရရှိရမည် ဖြစ်သည်။ (သို့သော် ပညာရပ်ကျွမ်းကျင်မှု-အတွေ့အကြုံအရ လျော့ပေါ့စဉ်းစားသင့်ပါက စဉ်းစားပေးမည်ဖြစ်သည်။
(၂) အင်္ဂလိပ် ဘာသာစကား ရေး-ပြော-ဘာသာပြန် နိုင်သူများအား အဓိက ဦးစားပေးမည်ဖြစ်သည်။
(၃) မီဒီယာ လုပ်ငန်း အတွေ့အကြုံ ရှိသူဖြစ်ပါက အထူး ကောင်းမွန်ပါသည်။
(၄) အသက်အရွယ်  အငယ်ဆုံး ၂၀ နှစ်မှ အကြီးဆုံး ၃၅ နှစ် အထိသာ လက်ခံပါသည်။
(၅) MFF နှင့် MNL ပြိုင်ပွဲအသီးသီးအတွက် ပေးအပ်သည့် Media Officer တာဝန်ကိုထမ်းဆောင်နိုင်သူများ(နယ်ဒေသ မရွေး၊ ပြည်တွင်းပြည်ပ မရွေး) သာ လျောက်ထားရမည်ဖြစ်သည်။

စိတ်ပါဝင်စားသူများ အနေဖြင့် အောက်ပါ Link တွင် ပါရှိသော File ကို Download ပြုလုပ်၍ လိုအပ်သည်များ အပြည့်အစုံ ဖြည့်စွတ်ကာ ဒီဇင်ဘာလ ၁၁ ရက်နေ့ နောက်ဆုံးထားပေးပို့ပါရန်နှင့် ပေးပို့သည့် လျှောက်လွာများအား စိစစ်၍ ပြန်လည် အကြောင်းပြန်ကြားသွားမည်ဖြစ်ပါသည်။ (သတ်မှတ် အချိန်ထက် နောက်ကျပေးပို့သော လျှောက်လွှာများ၊ မပြည့်စုံသော လျှောက်လွှာများ အား လက်ခံစဉ်းစားမည် မဟုတ်ပါ။ လျှောက်လွှာရှင် အဆမတန် များပြားနေပါက အင်တာဗျူး ခေါ်၍ လည်းကောင်း၊ ဖြည့်စွတ်ထားသည့် ကိုယ်ရေး အချက်အလက်၊ ပညာအရည်အချင်း၊ အသက်အရွယ်နှင့် လုပ်ငန်းအတွေ့အကြုံအရ လည်းကောင်း သင်တန်းသားအဖြစ် ထပ်မံစိစစ် ရွေးချယ်သွားမည်ဖြစ်သည်ကို နားလည်ပေးစေလိုပါသည်။)

Download ဆွဲယူရန်-
https://www.mediafire.com/?9ppexux9qlm110t

 

Leave a Reply

Your email address will not be published. Required fields are marked *