မြန်မာအမျိုးသမီးလက်ရွေးစင်အသင်း လေ့ကျင့်မှုများပြုလုပ်လျက်ရှိ

The MFF » latest news » မြန်မာအမျိုးသမီးလက်ရွေးစင်အသင်း လေ့ကျင့်မှုများပြုလုပ်လျက်ရှိ

မတ် 18, 2016 / By Admin

AFF Women’s Championship 2016 ( အာဆီယံအမျိုးသမီး ချန်ပီယံရှစ် ၂၀၁၆)ပြိုင်ပွဲကို မြန်မာနိုင်ငံမှ အိမ်ရှင်အဖြစ် လာမည့် ဇူလိုင် ၂၄ ရက်မှ သြဂုတ် ၅ ရက်နေ့အထိ မန္တလေးမြို့တွင် ကျင်းပပြုလုပ်မည်ဖြစ်သည်။ ၄င်းပြိုင်ပွဲတွင် မြန်မာအသင်းအနေဖြင့် သြစတြေးလျ၊ မလေးရှား၊ (တောင်ကိုရီးယား၊တရုတ်တိုင်ပေ၊ဂျပန်) ၄င်းသုံးသင်းမှ တစ်သင်း၊ စုစုပေါင်း (၄)သင်းဖြင့် အုပ်စု(ခ)မှ ၀င်ရောက် ယှဉ်ပြိုင်မည်ဖြစ်သည်။
အမျိုးသမီးလက်ရွေးစင် အသင်းအနေဖြင့်လည်း အဆိုပါပြိုင်ပွဲတွင် အကောင်းဆုံးယှဉ်ပြိုင်နိုင်ရန်အတွက် လေ့ကျင်မှုများကို အပတ် စဉ် ပြုလုပ်လျက် ရှိသည်။ မတ်လ ၁၈ ရက်နေ့တွင် ယူ-၁၄ အမျိုးသားလက်ရွေးစင် အသင်းနှင့်လည်း ဒုတိယကြိမ် ခြေစမ်းပွဲ ကစားခဲ့ ပြီးဖြစ်သည်။ ထို့အပြင် လေ့ကျင့်မှုပိုမို ထိရောက်စေရန်အတွက် လာမည့် မေလဆန်းပိုင်းတွင် ဂျပန်နိုင်ငံသို့ သွားရောက်ကာ ကွင်းဆင်းလေ့ကျင့်မှုများအပြင် ဂျပန်အမျိုးသမီးလက်ရွေးစင်အသင်းနှင့် ချစ်ကြည်ရေးခြေစမ်းပွဲ ကစားရန် စီစဉ်လျက်ရှိသည်။ သို့ဖြစ်ပါ၍ ၄င်းခြေစမ်းပွဲနှင့် ပတ်သက်သည့် သတင်းအချက်အလက်များကို အချိန်နှင့်တပြေးညီ ဆက်လက် ဖော်ပြသွားမည်ဖြစ်သည်။

ပြန်စာထားခဲ့ပါ။

သင့် email လိပ်စာကို ဖော်ပြမည် မဟုတ်ပါ။ လိုအပ်သော ကွက်လပ်များကို * ဖြင့်မှတ်သားထားသည်