AYA Bank MFF အလွတ်တန်းဖူဆယ်လ်ပြိုင်ပွဲ ဗိုလ်လုပွဲအား မနက်ဖြန် စက်တင်ဘာလ (၁) ရက်နေ့၊ ညနေ (၃) နာရီတွင်အမျိုးသားမိုးလုံလေလုံ အားကစားရုံ (၁) NIS-1၊ သုဝဏ္ဏ၌ ပြုလုပ်ကျင်းပသွားမည် ဖြစ်ပြီး အဆိုပါ ဗိုလ်လုပွဲတွင် နာမည်ကြီး MIC အသင်းနှင့် ပွဲစဉ်တစ်လျှောက်ကောင်းမွန်သည့် စွမ်းဆောင်ရည်များ ပြသနိုင်ခဲ့သည့် ခေတ္တရာ အသင်းတို့ ထိပ်တိုက်တွေ့ဆုံ လျက်ရှိသည်။ အဆိုပါ ဖူဆယ်လ်ပြိုင်ပွဲ တတိယနေရာလုပွဲအား ဗိုလ်လုပွဲစဉ်မတိုင်ခင် မွန်းလွဲ (၁) နာရီတွင် အဆိုပါ အားကစားရုံတွင်ပင် ကျင်းပ မည်ဖြစ်သည်။

ယင်းအလွတ်တန်းဖူဆယ်လ်ပြိုင်ပွဲ ဆုပေးပွဲအခမ်းအနားကို ဗိုလ်လုပွဲအပြီးတွင် ဆက်လက်ကျင်းပသွားမည်ဖြစ်ကာ ပထမရရှိ
သည့် ဖူဆယ်လ်ဘောလုံးအသင်းအား တံခွန်စိုက်ဆုဖလား၊ တစ်ဦးချင်းရွှေတံဆိပ်နှင့် ဆုကြေးငွေကျပ် သိန်း (၃၀) ကိုလည်း
ကောင်း၊ ဒုတိယရရှိသည့် အသင်းအား တစ်ဦးချင်းငွေတံဆိပ်နှင့် ဆုကြေးငွေကျပ် သိန်း (၂၀) ကိုလည်းကောင်း၊ တတိယရရှိ
သည့်အသင်းအား တစ်ဦးချင်းကြေးတံဆိပ်ဆုနှင့် ဆုကြေးငွေကျပ် (၁၅) သိန်းကိုလည်းကောင်း၊ စတုတ္ထရရှိသည့်အသင်းအား ဆုကြေးငွေ
ကျပ် (၁၀) သိန်းကိုလည်းကောင်း အသီးသီးချီးမြှင့်ပေးသွားဖြစ်သည်။ ထို့အပြင် အသန့်ရှင်းဆုံးဆုအတွက် ကျပ် (၅) သိန်း၊ အကောင်းဆုံး
ကစားသမားဆုအတွက် ကျပ် (၃) သိန်း၊ အကောင်းဆုံးဂိုးသမားဆု ကျပ် (၃) သိန်း စသည်ဖြင့် ထပ်မံချီးမြှင့်ပေးသွားမည် ဖြစ်သည်။

AYA Bank MFF Futsal Open Cup 2015 ဆီမီးဖိုင်နယ်ရလဒ်များ