မလေးရှားနိုင်ငံ KUANTAN မြို့တွင် ယနေ့မနက်က စတင် ကျင်းပလျက်ရှိသည့် အာဆီယံ ဘောလုံးအဖွဲ့ချုပ် ( Asean Football Federation -AFF)၏ ကောင်စီ အစည်းအဝေး AFF 2nd Council Meeting for the Session 2015/2016 သို့ အာဆီယံ ဘောလုံး အဖွဲ့ချုပ် ဒုတိယ ဥက္ကဋ္ဌနှင့် မြန်မာနိုင်ငံ ဘောလုံး အဖွဲ့ချုပ် ဥက္ကဋ္ဌ ဦးဇော်ဇော်၊ MFF အထွေထွေ အတွင်းရေးမှူး ဦးတင်အောင်နှင့် MFF Treasurer ဦးသန်းဇော်တို့ တက်ရောက်လျက်ရှိသည်။

ကောင်စီ အစည်းအဝေးတွင် မြန်မာ့ ဘောလုံး လောက တိုးတက်ရေးအတွက် အကြံပြု ဆွေးနွေးခဲ့ကြပြီး လာမည့် ၂၀၁၆ ခုနှစ်တွင် အာဆီယံ ဖူဆယ်ချန်ပီယံရှစ်နှင့် အာဆီယံ အမျိုးသမီး ချန်ပီယံရှစ် ပြိုင်ပွဲများကို မြန်မာနိုင်ငံတွင် အိမ်ရှင်အဖြစ် လက်ခံ ကျင်းပရန်လည်း သဘောတူ ဆုံးဖြတ်ခဲ့ကြသည်။