မြန်မာ့လက်ရွေးစင် အသင်းနည်းပြချုပ် အဖြစ် ခန့်အပ်တာဝန်ပေးခြင်း ခံရသည့် ဂျာမန်နည်းပြ ဂတ်ဆီဇီသည် ယနေ့ မွန်းလွဲပိုင်းက နိုင်ငံတကာ ခြေစမ်းပွဲနှင့် ကမ္ဘာ့ဖလား ခြေစစ်ပွဲများ ယှဉ်ပြိုင်မည့် မြန်မာ့ လက်ရွေးစင် အသင်း အပြီးသတ် ကစားသမား ၂၃ ဦးစာရင်းကို ယနေ့ ထုတ်ပြန်လိုက်သည်။ အဆိုပါ လူစာရင်းတွင် ဆီးဂိမ်းစ် ငွေတံဆိပ်ရ ယူ၂၃ အသင်းမှ ဟိန်းသီဟဇော်၊ ဖြိုးကိုကိုသိန်း၊ ရဲဝင်းအောင်၊ နေလင်းထွန်းတို့ ပြန်လည်ပါဝင် လာခဲ့ပြီး သက်နိုင် (ရတနာပုံ) လည်း ရှေ့တန်းလူ တစ်ဦးအဖြစ် ပြန်လည် ပါဝင်လာသည်ကို တွေ့ရသည်။ ကျန်နေရာ များတွင် အပြောင်းအလဲ မရှိဘဲ သန်းပိုင်၊ မောင်မောင်လွင်နှင့် ရှိုင်းသူရတို့မှာ မြန်မာ ယူ၂၁ အသင်း (ပဏာမ)လူစာရင်းသို့ ရောက်ရှိသွားခဲ့သည်။

မြန်မာ့ လက်ရွေးစင် အသင်း အပြီးသတ် ကစားသမား ၂၃ ဦး

ဂိုး- ကျော်ဇင်ဖြိုး (မကွေး)၊ မျိုးမင်းလတ် (KBZ)၊ ရန်အောင်လင်း (ဟံသာဝတီ)

နောက်တန်း- ကျော်ဇင်လွင်၊ နန္ဒကျော် (မကွေး)၊ ဒေးဗစ်ထန်၊ ဇော်မင်းထွန်း (ရန်ကုန်)၊ ဟိန်းသီဟဇော်၊ ဖြိုးကိုကိုသိန်း (ဧရာဝတီ)၊ အောင်ဇော် (ဟံသာဝတီ)၊ ဇော်လင်း (KBZ)၊ ရဲဝင်းအောင် (ရတနာပုံ)

အလယ်တန်း – ရဲကိုဦး၊ လှိုင်းဘိုဘို (ရတနာပုံ)၊ ရန်အောင်ကျော်၊ ကြည်လင်း (ရန်ကုန်)၊ နေလင်းထွန်း၊ ကျော်မင်းဦး၊ သီဟဇော် (ဧရာဝတီ)၊ ဆမ်လန်မန် (ချင်း)

ရှေ့တန်း – ကျော်ကိုကို (ရန်ကုန်)၊ အောင်သူ၊ သက်နိုင် (ရတနာပုံ)