မြန်မာအသင်း၏ အုပ်စု(ခ) ပွဲစဉ်အချို့ အပြောင်းအလဲ ဖြစ်ပေါ်ခဲ့

ယခုလ ၂၀ ရက်မှ ၂၈ ရက်အထိ ဗီယက်နမ်နိုင်ငံ ဟိုချီမင်း မြို့တွင် ကျင်းပမည့် ယူ-၂၁ ဖိတ်ခေါ် ဘောလုံးပြိုင်ပွဲအား ဝင်ရောက် ယှဉ်ပြိုင်မည့် မြန်မာ ယူ-၂၁ အသင်းသည် ယနေ့နံနက် ၁၁း၃၀ နာရီက ဗီယက်နမ်နိုင်ငံသို့ ထွက်ခွာသွားခဲ့ပြီ ဖြစ်သည်။

မြန်မာ ယူ-၂၁ အသင်းကို ဦးတင်မြင့်အောင်က အသင်းအုပ်ချုပ်သူ အဖြစ် ဦးဆောင်ကာ နည်းပြချုပ် အဖြစ် မစ္စတာ အဲရစ်ဝီလျံ၊ လက်ထောက်နည်းပြ ဦးညီညီလတ်၊ ဂိုးနည်းပြ ဦးယဉ်မင်းအောင်၊ အသင်းဆရာဝန် အဖြစ် ဒေါက်တာ ကျော်သန့်ဇင်တို့  အပါအဝင် ကစားသမား ၂၀ ဦး လိုက်ပါ သွားကြသည်။

မြန်မာအသင်း အနေဖြင့် အဖွင့်ပွဲစဉ်ကို နိုဝင်ဘာ ၂၀ တွင် စတင် ကစားရမည် ဖြစ်သော်လည်း မြန်မာအသင်း ကျရောက်လျှက် ရှိသည့် အုပ်စု(ခ) ပွဲစဉ်အချို့ အပြောင်းအလဲများ ဖြစ်ပေါ်ခဲ့ကြောင်း သိရသည်။

မူလ ပွဲစဉ်ရေးဆွဲထားမှု အရ မြန်မာအသင်းမှာ နိုဝင်ဘာ ၂၀ တွင် HAGL U21 အသင်းနှင့် ရင်ဆိုင်ရမည် ဖြစ်ကာ ဒုတိယ ပွဲစဉ်အဖြစ် နိုဝင်ဘာ ၂၂ တွင် တောင်ကိုရီးယား ယူ-၁၉ အသင်းနှင့် တွေ့ဆုံရမည် ဖြစ်သည်။ သို့သော် ယခု ပြောင်းလဲလိုက်သည့် ပွဲစဉ်ဇယားအရ မြန်မာအသင်းမှာ အဖွင့်ပွဲကို နိုဝင်ဘာ ၂၂ တွင်မှ တောင်ကိုရီးယား ယူ-၁၉ အသင်းနှင့် ကစားရတော့မည် ဖြစ်သည်။ အုပ်စု ဒုတိယ ပွဲစဉ်ကိုမူ နိုဝင်ဘာ ၂၄ တွင် HAGL U21 အသင်းနှင့် ကစားရမည် ဖြစ်သည်။

ဗီယက်နမ် ယူ-၂၁ ဖိတ်ခေါ်ပြိုင်ပွဲ ပွဲစဉ်ဇယား