
၂၀၁၆ ဘောလုံးရာသီကြို MNL လိဂ်ကော်မတီ အစည်းအဝေး ကျင်းပ
December 11, 2015
၂၀၁၆ မြန်မာနေရှင်နယ်လိဂ် ပြိုင်ပွဲ၏ ပွဲစဉ်ဇယား ထွက်ပေါ်
December 17, 2015
မြန်မာနိုင်ငံဘောလုံးအဖွဲ့ချုပ်နှင့် မြန်မာနေရှင်နယ်လိဂ်တို့တွင် အနာဂတ်မီဒီယာအရာရှိများအဖြစ် စွမ်းဆောင်ရည်မြင့်မားစွာတာဝန်ထမ်းဆောင်နိုင်ရေးအတွက် မြန်မာနေရှင်နယ်လိဂ်မှ ကြီးမှူးဖွင့်လှစ်သည့် MNL Media Officer Course 2015 သင်တန်းဖွင့်ပွဲ အခမ်းအနားကို ယနေ့ ဒီဇင်ဘာလ (၁၄) ရက်နေ့၊ နံနက် (၉) နာရီတွင် မြန်မာနိုင်ငံဘောလုံးအဖွဲ့ချုပ်ရုံး၊ အစည်းအဝေးခန်းမ၌ကျင်းပခဲ့သည်။
အဆိုပါ အခမ်းအနားသို့ မြန်မာနိုင်ငံဘောလုံးအဖွဲ့ချုပ် (MFF) အထွေထွေအတွင်းရေးမှူး ဦးတင်အောင်၊ MFF လက်ထောက်အထွေထွေအတွင်းရေးမှူး ဦးကိုကိုသိန်း၊ မြန်မာနေရှင်နယ်လိဂ်(MNL)အမှုဆောင်အရာရှိချုပ် မစ္စတာဂျေဆင်း၊ MNL COO ဦးစိုးမိုးကျော်နှင့် MFF မှ သက်ဆိုင်ရာတာဝန်ရှိပုဂိုများ စုံညီစွာတက်ရောက်ခဲ့ကြသည်။
အခမ်းအနား အဖွင့်အမှာစကားအား ဦးတင်အောင်နှင့် မစ္စတာဂျေဆင်းတို့မှ အသီးသီး ပြောကြားခဲ့ကြသည်။ ယင်းသင်တန်းအား ဒီဇင်ဘာလ (၁၄) ရက်နေ့မှ (၁၆) ရက်နေ့အထိ (၃) ရက်ကြာ ဖွင့်လှစ်သွားမည် ဖြစ်ကာ သင်တန်းနည်းပြများအဖြစ် MNL CEO မစ္စတာဂျေဆင်း၊ MNL COO ဦးစိုးမိုးကျော်၊ MFF မီဒီယာဌာနတာဝန်ခံ ဦးဇော်မင်းထိုက်နှင့် MFF
ဈေးကွက်ရှာဖွေရေးတာဝန်ခံ ဦးဆူးအောင်တို့မှ တာဝန်ယူပို့ချပေးသွားမည်ဖြစ်သည်။
အဆိုပါသင်တန်းသို့ MNL ကလပ်များမှ မီဒီယာအရာရှိများ၊ ပြင်ပမီဒီယာများနှင့်လေ့လာသူ စုစုပေါင်း (၄၅) ဦးခန့် တက်ရောက်မည်ဖြစ်သည်။