ဒူးဒဏ်ရာကြောင့် ကာလရှည် အနားယူနေရသည့် ကမ္ဘာ့ဖလား ပြိုင်ပွဲဝင် ယူ-၂၀ အသင်း၏ ကွင်းလယ်လူ ငြိမ်းချမ်းအောင် အပါအဝင် ကစားသမား ၂၉ ဦး ပါဝင်သည့် မြန်မာ့လက်ရွေးစင် အသင်း၏ ပဏာမ လူစာရင်းကို နည်းပြချုပ် ဂတ်ဆီဇီက ထုတ်ပြန်လိုက်သည်။

မြန်မာ့ လက်ရွေးစင် အသင်းသည် စင်ကာပူ လက်ရွေးစင် အသင်းနှင့် စင်ကာပူ နိုင်ငံတွင် မတ်လ ၂၃ ရက်၌ ခြေစမ်း ကစားမည် ဖြစ်ပြီး ယင်းနောက်တွင် လက်ဘနွန် နိုင်ငံသို့ ဆက်လက် ထွက်ခွာမည် ဖြစ်ကာ လက်ဘနွန် လက်ရွေးစင် အသင်းနှင့် မတ် ၂၉ တွင် ခြေစစ်ပွဲ အုပ်စုနောက်ဆုံး ပွဲစဉ်ကို ယှဉ်ပြိုင်မည် ဖြစ်သည်။

သို့ဖြစ်ရာ အဆိုပါ ပွဲများအတွက် မြန်မာ့ လက်ရွေးစင် အသင်းကို ဖေဖော်ဝါရီလ ၃ ရက်မှ စတင်ကာ လေ့ကျင့်မှုများ ပြုလုပ်သွားရန် နည်းပြချုပ် ဂတ်ဆီဇီက စီစဉ်ထားပြီး ဖေဖော်ဝါရီ လဆန်းမှ စ၍ တစ်ပတ်လျှင် တစ်ရက် စုစည်း လေ့ကျင့်မှု ပြုလုပ်မည် ဖြစ်ကာ ယင်းသို့ လေ့ကျင့်မှုကို မတ်လ ဒုတိယပတ်အထိ ပြုလုပ်ရန် စီစဉ်ထားသည်။ စခန်းသွင်း လေ့ကျင့်မှုကိုမူ မတ်လ ၁၄ ရက်တွင် စတင်ပြုလုပ် သွားမည် ဖြစ်သည်။

ပဏာမ မြန်မာ့ လက်ရွေးစင် အသင်း၏ အုပ်ချုပ်/နည်းပြ အဖွဲ့

ဦးသန်းတိုးအောင် (အုပ်ချုပ်သူ၊ ဆောက်လုပ်ရေး ဝန်ကြီးဌာန)
မစ္စတာ ဂတ်ဆီဇီ (နည်းပြချုပ်၊ MFF)
ဦးကြည်လွင် (လက်ထောက်နည်းပြ၊ မကွေး)
ဦးဇော်ဝင်းထွန်း (လက်ထောက်နည်းပြ၊ မကွေး)
ဦးအောင်ကျော်ကျော် (လက်ထောက်နည်းပြ၊ MFF)
မစ္စတာ မီရိုဆလက်ဗ် ယာဂါတစ် (ကြံ့ခိုင်ရေး နည်းပြ၊ MFF)
ဦးထွန်းထွန်းအောင် (အတွင်းရေးမှူး၊ MFF)
ဦးအောင်ကျော်ဦး (ဆရာဝန်၊ MFF)
ဦးထွန်းဇော် (အကြောကျွမ်းကျင်၊ MFF)
ဦးဇော်မင်းထိုက် (သတင်းပြန်ကြားရေး၊ MFF)
ဦးအောင်အောင်ထွန်း (Kit Manager ၊ MFF)

ပဏာမ မြန်မာ့ လက်ရွေးစင် အသင်း

ဂိုး – ပြည့်ဖြိုးအောင် (ဆောက်သမ်းမြန်မာ)၊ ကျော်ဇင်ဖြိုး (မကွေး)၊ မျိုးမင်းလတ် (ရှမ်းယူနိုက်တက်)။

နောက် – ဒေးဗစ်ထန်၊ ဇော်မင်းထွန်း၊ သိန်းဇော် (ရန်ကုန်)၊ ကျော်ဇင်လွင်၊ နန္ဒကျော် (မကွေး)၊ ဇော်လင်း၊ ဟိန်းသီဟဇော်၊ ထိုက်ထိုက်အောင် (ရှမ်းယူနိုက်တက်)၊ အောင်ဇော် (ဟံသာဝတီ)၊ ဖြိုးကိုကိုသိန်း (ဧရာဝတီ)၊ ရဲဝင်းအောင် (ရတနာပုံ)။

လယ် – လှိုင်းဘိုဘို၊ ရဲကိုဦး၊ မျိုးကိုထွန်း (ရတနာပုံ)၊ ရန်အောင်ကျော်၊ ကျော်မင်းဦး၊ ကြည်လင်း (ရန်ကုန်)၊ ရန်နိုင်ဦး (ဇေယျာရွှေမြေ)၊ မောင်မောင်လွင် (ဟံသာဝတီ)၊ သီဟဇော် (ဧရာဝတီ)၊ နေလင်းထွန်း (ရှမ်းယူနိုက်တက်)။

ရှေ့ – အောင်သူ၊ သက်နိုင် (ရတနာပုံ)၊ ကျော်ကိုကို၊ ငြိမ်းချမ်းအောင် (ရန်ကုန်)၊ ဆွမ်လန်မန် (ချင်းယူနိုက်တက်)။