
ငြိမ်းချမ်းအောင် ပါဝင်လာသည့် ပဏာမ မြန်မာ့ လက်ရွေးစင်အသင်း လူစာရင်း ထုတ်ပြန်
January 30, 2016
Horizon ကို အသည်းအသန် ကစားပြီး သရေတစ်မှတ် ခွဲယူခဲ့ရသည့် မကွေး
February 1, 2016ဇန်နဝါရီလ (၃၀)ရက်နေ့ ညနေ ၄:၀၀ နာရီတွင် သုဝဏ္ဏကွင်း၌ ဟံသာဝတီအသင်းနှင့် ချင်းအသင်းတို့ ယှဉ်ပြိုင်ကစားကြရာ ဟံသာဝတီအသင်းက ချင်း အသင်းကို (၂-၁)ဖြင့် အနိုင်ရရှိခဲ့သည်။

ပွဲချိန် (၅)မိနစ်တွင် ချင်းအသင်းအတွက် ဦးဆောင်ဂိုးကို ကျောနံပါတ် (၁၀) မောရစ်မှ သွင်းယူပေးခဲ့သည်။ ယနေ့ပွဲတွင် နှစ်သင်းစလုံး အကြိတ်အနယ် ယှဉ်ပြိုင်ကစားခဲ့ရပြီး ခြေစွမ်း သိသိသာသာကွာခြားခြင်း မရှိခဲ့ပေ။ ပွဲချိန် (၃၂)မိနစ်အရောက်တွင် ဟံသာဝတီ အသင်း အတွက် ချေပဂိုးကို ကျောနံပါတ် (၆၃) ကျော်ဇေယျက သွင်းယူပေးခဲ့သည်။ ဒုတိယပိုင်းတွင် နှစ်ဖက်အသင်းစလုံး အရှိန်မြှင့် ကစား ခဲ့ကြသော်လည်း တစ်ဖက်နှင့် တစ်ဖက်ဂိုးသွင်းယူနိုင်ခြင်း မရှိပေ။ သို့သော် နာကျင်အချိန်ပို ၃ မိနစ်အရောက်တွင် ဟံသာဝတီ အသင်း အတွက် အနိုင်ဂိုးကို ကျောနံပါတ် (၂၂) အောင်မျိုးသူရမှ သွင်းယူပေးခဲ့သည်။ ဟံသာဝတီအသင်း အနေဖြင့် ယခုနှစ် မြန်မာ နေရှင် နယ်လိဂ် အမှတ်ပေးပြိုင်ပွဲတွင် လေးပွဲကစားထားပြီး တစ်ပွဲသရေကျကာ သုံးပွဲဆက်အနိုင်ရထားပေသည်။
ပွဲပြီး သတင်းစာရှင်းလင်းပွဲတွင် ချင်းအသင်း နည်းပြချုပ်က ” အခုပွဲအတွက် ကျွန်တော်တို့ တကယ်စိတ်ပျက်မိပါတယ်။ အနိုင်ရဖို့ ကြိုးစား ကန်ခဲ့ပေမဲ့ ပွဲပြီးခါနီးမှာ အခုလို ဖြစ်သွားတဲ့အတွက်၊ နောက်ပွဲတွေမှာ ဘယ်တောင်ပံ ညာတောင်ပံ ကစားသမားတွေ အပြောင်း အလဲလုပ်ပြီး ကစားဖို့လည်း ပြင်ဆင်ထားပါတယ်” ဟုပြောကြားခဲ့သည်။ ဟံသာဝတီအသင်း နည်းပြချုပ် ကလည်း ” ကျွန်တော်တို့ အသင်းအနေနဲ့ အခုအရမ်းပျော်နေပါတယ်၊ သုံးပွဲဆက် အနိုင်ရလိုက်တာကြောင့်လည်း ပါပါတယ်။ ဒါပေမဲ့ ဒီပွဲမှာ အနိုင်ရ တာက ခက်ခက်ခဲခဲနဲ့ ကစားခဲ့ရတာပါ၊ အမှားတွေတော့ရှိခဲ့ပါတယ်၊ ပင်နယ်တီကန်ခွင့်ပေးလိုက်ရတဲ့အချိန်မှာ ကာကွယ် ပေးနိုင်တဲ့ ကျွန်တော်တို့ ဂိုးသမားကိုလည်း ချီးကျူးမိပါတယ်၊ ကစားသမား အပြောင်းအလဲကတော့ အခုပွဲတွေမှာ မရှိသေးပါဘူး” ဟု ပြောကြား ခဲ့ပါသည်။