
MFF Spy Futsal League 2016 ပြိုင်ပွဲ (week-2)ပွဲစဉ်များအပြီး ရပ်တည်မှု
March 15, 2016
မြန်မာအမျိုးသမီးလက်ရွေးစင်အသင်း လေ့ကျင့်မှုများပြုလုပ်လျက်ရှိ
March 18, 2016မြန်မာနိုင်ငံဘောလုံးအဖွဲ့ချူပ် (MFF) အစည်းအဝေးခန်းမတွင် ယနေ့ နံနက်(၁၀)နာရီက AFC “B” Certificate နည်းပြသင်တန်း ဖွင့်ပွဲအခမ်းနား ကျင်းပပြုလုပ်ခဲ့သည်။ အခမ်းအနားသို့ MFF အမှုဆောင်အရာရှိချုပ်နှင့် အထွေထွေအတွင်းရေးမှူး ဦးသန်းဇော်၊ တွဲဖက်အထွေထွေအတွင်းရေးမှူး ဦးကိုကိုသိန်း၊ အာရှဘောလုံးအဖွဲ့ချူပ်မှ ဖိလစ်ပိုင်လူမျိုး သင်တန်းနည်းပြ မစ္စတာ မာလွန်၊ နည်းပြ ဦးဝင်းသူမိုးနှင့် MFF မှ တာဝန်ရှိသူများ တက်ရောက်ခဲ့သည်။
” သင်းတန်းသားများအနေနှင့် စိတ်ရောကိုယ်ပါ ကြိုးကြိုးစားစား သင်ယူကြရပါမယ်၊ သင်တန်းဖွင့်ရခြင်းရဲ့ အဓိက ရည်ရွယ်ချက်ကတော့ မြန်မာနိုင်ငံတွင်း နည်းပြအရေအတွက် အမြောက်အမြား တိုးတက်လာဖို့အပြင် အရည်အချင်းရှိတဲ့ နည်းပြတွေ ပေါ်ထွက်လာစေရန်လည်း ဖြစ်ပါတယ်” ဟု ဦးသန်းဇော်က အဖွင့်အမှာစကားတွင် ထည့်သွင်းပြောကြားခဲ့သည်။
ယင်းသင်တန်းတွင် သင်တန်းသား (၂၃)ယောက် တက်ရောက်သင်ကြားမည်ဖြစ်ပြီး သင်တန်းကာလမှာ မတ်လ (၁၆)ရက်မှ ဧပြီလ (၄)ရက်နေ့အထိဖြစ်သည်။ သင်တန်းနည်းပြအဖြစ် မစ္စတာ မာလွန်နှင့်အတူ နည်းပြ ဦးဝင်းသူမိုးမှ လက်ထောက်နည်းပြအဖြစ် ဆောင်ရွက် သင်ကြားပေးသွားမည်ဖြစ်သည်။