
မြန်မာအမျိုးသမီးလက်ရွေးစင်အသင်း ဂျပန်နိုင်ငံတွင် စခန်းသွင်းလေ့ကျင့်မှုများပြုလုပ်မည်
March 22, 2016
စင်ကာပူနှင့် မြန်မာ ခြေစမ်းပွဲအတွက် ပွဲကြို သတင်းစာရှင်းလင်း
March 23, 2016ကျင်းပလျှက် ရှိသည့် MFF Spy Futsal League 2016 ပြိုင်ပွဲ၏ ပွဲစဉ် ၃ ကို ယနေ့တွင် သုဝဏ္ဏမိုးလုံလေလုံ အားကစားရုံတွင် ကျင်းပခဲ့ရာ PU၊ MIC၊ VUC၊ UPT အသင်းများ ဂိုးပြတ်နိုင်ပွဲများ ရရှိခဲ့ကြသည်။
အစောဆုံး ကစားခဲ့သည့် မြန်မာ ယူ-၁၉ အသင်းနှင့် VUC အသင်းတို့၏ ပွဲစဉ်တွင် VUC အသင်းက (၁၀-၁) ဂိုးဖြင့် ဂိုးပြတ် အနိုင်ရခဲ့သည်။ VUC အသင်း အနေဖြင့် ယခု နိုင်ပွဲကြောင့် ဖူဆယ်လိဂ် ပြိုင်ပွဲတွင် ရှုံးပွဲမရှိသေးပဲ အမှတ်ပေးဇယား ထိပ်ဆုံးတွင် ရပ်တည်နိုင်ခဲ့သည်။ အတွေ့အကြုံ နုနယ်သည့် ယူ-၁၉ အသင်းမှာမူ ယခုပွဲတွင်လည်း VUC အသင်းကို ယှဉ်ကစားနိုင်ခြင်း မရှိခဲ့ပဲ ဂိုးပြတ် ရှုံးနိမ့် ခဲ့ရခြင်း ဖြစ်သည်။
ဒုတိယပွဲတွင် ကစားသမားကောင်းများ ပါဝင်သည့် ပြည်ယူနိုက်တက် (PU) အသင်းက ရေစက် (YZ) အသင်းကို (၉-၁) ဂိုးဖြင့် အနိုင်ရခဲ့သည်။ အဖွင့်ပွဲတွင် ချန်ပီယံ ပြိုင်ဘက် MIC ကို အမှတ်မထင် ရှုံးနိမ့်ခဲ့ရပြီးနောက် ပြည်ယူနိုက်တက် အသင်းအနေဖြင့် နှစ်ပွဲဆက် ဂိုးပြတ်နိုင်ပွဲ ရယူနိုင်ခဲ့ခြင်း ဖြစ်သည်။
ညနေပိုင်း ကစားခဲ့သည့် ပွဲများတွင် UPT အသင်းက ရန်ကုန်စီးတီး အသင်းကို (၆-၃) ဂိုး၊ MIC အသင်းက Winner အသင်းကို (၉-၁)ဂိုး များဖြင့် အသီးသီး အနိုင်ကစားခဲ့ကြသည်။ ပွဲစဉ် ၂ တွင် နိုင်ပွဲစတင် ရယူနိုင်ခဲ့သည့် ရန်ကုန်စီးတီး အသင်းအနေဖြင့် ရှုံးပွဲနှင့် ပြန်လည် ကြုံတွေ့ခဲ့ရခြင်း ဖြစ်ပြီး UPT အသင်းကမူ ဒုတိယမြောက် နိုင်ပွဲ ရယူနိုင်ခဲ့ခြင်း ဖြစ်သည်။ UPT အနေဖြင့် အဖွင့်ပွဲတွင် ယူ-၁၉ အသင်းကို အနိုင်ရခဲ့ သော်လည်း ဒုတိယ ပွဲတွင် ပြည်ယူနိုက်တက်ကို ရှုံနိမ့်ထားခဲ့သည်။
လက်ရွေးစင် ကစားသမား အများစု ပါဝင်သည့် MIC အသင်းအနေဖြင့် လူငယ်များစုဖြင့် ဖွဲ့စည်းထားသည့် Winner အသင်းကို ခြေပြတ်ဂိုးပြတ် အနိုင်ရခဲ့ခြင်း ဖြစ်သည်။ MIC အနေဖြင့် ယခုပွဲ အနိုင်ကြောင့် သုံးပွဲဆက် အနိုင်ရလဒ်ကို ရယူနိုင်ခဲ့ပြီး အမှတ်ပေးဇယားကို VUC အသင်းနှင့် ပူးတွဲ ဦးဆောင်လျှက် ရှိသည်။