
MIC အသင်းနှင့် VUC အသင်းတို့ အမှတ်ပေးဇယား ပထမနေရာလုမည်
March 29, 2016
ဖိတ်ခေါ်ပွဲကြို ခြေစမ်းပွဲအဖြစ် မြန်မာနှင့် မလေးရှား ကစားမည်ဖြစ်ပြီး မြန်မာအသင်း ပဏာမ ၂၄ ဦးရွေးချယ်
April 19, 2016အစောပိုင်းက မန္တလေးမြို့တွင် ခြေစမ်းကစားရန် စီစဉ်ထားသည့် မြန်မာ့လက်ရွေးစင် အမျိုးသမီးအသင်းနှင့် တောင်ကိုရီးယား လက်ရွေးစင် အမျိုးသမီးအသင်းတို့၏ ခြေစမ်းပွဲကို ရန်ကုန်မြို့၌ ပြောင်းရွှေ့ကစားရန် သတ်မှတ်ခဲ့သည်။
အဆိုပါခြေစမ်းပွဲကို တောင်ကိုရီးယားဘောလုံးအဖွဲ့ချုပ်မှ ရန်ကုန်၌ ကျင်းပပေးရန် တောင်းဆိုခဲ့သဖြင့် မြန်မာနိုင်ငံ ဘောလုံးအဖွဲ့ချုပ် မှ ရွှေ့ဆိုင်းပေးခဲ့ခြင်းဖြစ်သည်။ မြန်မာ့လက်ရွေးစင်အမျိုးသမီးအသင်းနှင့် တောင်ကိုရီးယားလက်ရွေးစင် အမျိုးသမီးအသင်း တို့ ခြေ စမ်းပွဲကို လာမည့် ဇွန် ၄ ရက်နှင့် ၆ ရက်များတွင် ရန်ကုန်မြို့၊ သုဝဏ္ဏဘောလုံးကွင်း၌ ကျင်းပမည်ဖြစ်သည်။ မြန်မာလက်ရွေးစင် အမျိုးသမီးအသင်းဘောလုံးအသင်းသည် တောင်ကိုရီးယားအသင်းနှင့် ခြေစမ်းပွဲ မကစားမီ ဂျပန်နိုင်ငံသို့ မေ (၅)ရက်မှ စတင်ကာ သွားရောက် စခန်းသွင်း လေ့ကျင့်မည်ဖြစ်ပြီး မေ(၂၅)တွင် မြန်မာနိုင်ငံသို့ပြန်လည်ရောက်ရှိမည်ဖြစ်သည်။ ထို့နောက် ဇွန် ၄ ရက်နှင့် ၆ ရက်များတွင် ကိုရီးယားအသင်းနှင့် ရန်ကုန်မြို့တွင် ထပ်မံ ခြေစမ်းကစားမည်ဖြစ်သည်။ မြန်မာအသင်းနှင့် ကိုရီးယားအသင်းတို့ ခြေ စမ်းပွဲ နှစ်ပွဲကို ညနေ ၅း၀၀ နာရီတွင် စတင်ကစားမည် ဖြစ်သည်။ မြန်မာ့လက်ရွေးစင် အမျိုးသမီးဘောလုံးအသင်းသည် လာမည့် ဇူလိုင်တွင် မြန်မာနိုင်ငံမှ အိမ်ရှင်အဖြစ် ပြုလုပ်မည့် 2016 AFF Women’s Championship ဘောလုံးပြိုင်ပွဲတွင် အောင်မြင်မှုရရှိစေရန် ရည်ရွယ်၍ ကြိုတင်ပြင်ဆင်မှုများ ပြုလုပ်နေခြင်းဖြစ်သည်။