
ဖိတ်ခေါ်ပွဲကြို ခြေစမ်းပွဲအဖြစ် မြန်မာနှင့် မလေးရှား ကစားမည်ဖြစ်ပြီး မြန်မာအသင်း ပဏာမ ၂၄ ဦးရွေးချယ်
April 19, 2016
ဂျပန် လေ့ကျင့်ရေးခရီးစဉ်အတွက် အမျိုးသမီးအသင်း လူစာရင်း ထုတ်ပြန်
April 29, 2016MFF Spy Futsal League 2016 ဒုတိယအကျော ဘောလုံးပွဲစဉ်များကို လာမည့် ဧပြီ ၂၃ ရက်၊ အမျိုးသားအားကစားပြိုင်ပွဲရုံ (၁) သုဝဏ္ဏ ၌ ပြန်လည်စတင်မည်ဖြစ်သည်။
အသင်းရှစ်သင်း ဝင်ရောက်ယှဉ်ပြိုင်နေသည့် MFF Spy Futsal League ပြိုင်ပွဲ ပထမအကျော့ပွဲစဉ် များမှာ ပြီးခဲ့သည့် ဧပြီ ၆ ရက်က ပြီးဆုံးခဲ့ပြီး ဒုတိယအကျော့ပွဲစဉ်များကို ဧပြီ ၂၃ ရက်တွင် ပြန်လည် စတင်ခြင်းဖြစ်သည်။ ဖူဆယ်လိဂ် ပထမအကျော့အပြီးတွင် လက်ရှိ ချန်ပီယံ MIC ဖူဆယ်အသင်းက ခုနစ်ပွဲကစား ခုနစ်ပွဲ ပွဲစလုံး အနိုင်ရရှိကာ ရမှတ် ၂၁ မှတ်ဖြင့် အမှတ်ပေးဇယား အဆင့် ၁ နေရာ၌ ဦးဆောင်ထားသည်။ အမှတ်ပေးဇယား ဒုတိယနေရာတွင် PU အသင်းက MIC အသင်းနှင့် ရမှတ် သုံးမှတ်အကွာ ၁၈ မှတ်ဖြင့် ရပ်တည်နေပြီး အဆင့် ၃ နေရာတွင် VUC အသင်းက ရမှတ် ၁၅ မှတ်ဖြင့် ရပ်တည်နေသည်။ အဆင့် ၄ နေရာတွင် YZ အသင်းက ရမှတ် ၁၀ မှတ်၊ အဆင့် ၅ နေရာတွင် UPT အသင်းက ရမှတ် ခုနစ်မှတ်၊ အဆင့် ၆ နေရာတွင် U-19 အသင်းက ရမှတ် ခြောက်မှတ်၊ အဆင့် ၇ နေရာတွင် ရန်ကုန်စီးတီးအသင်းက ရမှတ် သုံးမှတ်၊ အဆင့် ၈ နေရာတွင် Winner အသင်းက ရမှတ် နှစ်မှတ်ဖြင့် အသီးသီး ရပ်တည်နေသည်။
GP W D L F A +/_ P
1.MIC 7 7 – – 50 13 +37 21
2.PU 7 6 – 1 57 15 +42 18
3.VUC 7 5 – 2 33 18 +15 15
4.YZ 7 3 1 3 35 33 +2 10
5.UPT 7 2 1 4 23 44 -21 7
6.U-19 7 2 – 5 17 43 -26 6
7.Yangon City 7 1 – 6 26 47 -21 3
8.Winner 7 – 2 5 20 48 -28 2
ဧပြီ ၂၃ ရက်တွင် ပြန်လည်စတင်မည့် Week-8 ပွဲစဉ် များတွင် VUC အသင်းနှင့် YZ အသင်း၊ PU အသင်းနှင့် Yangon City အသင်း၊ UPT အသင်းနှင့် Winner အသင်း၊ MIC အသင်းနှင့် U-19 အသင်းတို့ ကစားကြမည်ဖြစ်သည်။
MFF Spy Futsal League 2016 (week-8)
23-4-2016 VUC – YZ (9:00)
23-4-2016 PU – Yangon City (10:30)
23-4-2016 UPT – Winner (13:00)
13-4-2016 MIC – U-19 (14:30)