မြန်မာ့လက်ရွေးစင် အမျိုးသမီး အသင်းနှင့် တောင်ကိုရီးယား လက်ရွေးစင် အမျိုးသမီး အသင်းတို့၏ နိုင်ငံတကာ ခြေစမ်းပွဲအကြို သတင်းစာ ရှင်းလင်းပွဲကို လာမည့် ဇွန် ၃ ရက် နံနက် ၁၁း၀၀ နာရီတွင် မြန်မာနိုင်ငံ ဘောလုံး အဖွဲ့ချုပ် အစည်းအဝေး ခန်းမ၌ ပြုလုပ် သွားမည် ဖြစ်သည်။

မြန်မာ့လက်ရွေးစင် အမျိုးသမီး အသင်းအနေဖြင့် လာမည့် ဇူလိုင်လအတွင်း မန္တလေးမြို့၌ ကျင်းပမည့် အာဆီယံ အမျိုးသမီး ချန်ပီယံရှစ် ၂၀၁၆ ဘောလုံး ပြိုင်ပွဲတွင် အောင်မြင်မှု ရရှိရန် ရည်ရွယ်၍ အကြို ပြင်ဆင်မှုအဖြစ် ကမ္ဘာ့အဆင့် အသင်းဖြစ်သည့် တောင်ကိုရီးယား အမျိုးသမီး အသင်းနှင့် ခြေစမ်းရန် စီစဉ်ထားခြင်း ဖြစ်သည်။ တောင်ကိုရီးယား အမျိုးသမီး လက်ရွေးစင် အသင်းသည် လက်ရှိတွင် ကမ္ဘာ့အဆင့် ၁၇ တွင် ရပ်တည်နေပြီး မြန်မာအသင်းက အဆင့် ၄၄ တွင် ရှိသည်။ မြန်မာ အမျိုးသမီး အသင်းနှင့် တောင်ကိုရီးယား အမျိုးသမီး အသင်းတို့၏ ခြေစမ်းပွဲကို ဇွန်လ ၄ ရက်နှင့် ဇွန်လ ၇ ရက်များတွင် ရန်ကုန်မြို့ သုဝဏ္ဏကွင်း၌ ကျင်းပပြုလုပ် သွားမည် ဖြစ်သည်။