
မြန်မာနှင့် တောင်ကိုရီးယား ပွဲကြို သတင်းစာ ရှင်းလင်းပွဲ ပြုလုပ်မည်
May 31, 2016
မြန်မာ့လက်ရွေးစင် အမျိုးသမီး အသင်းနှင့် ထိုင်းအမျိုးသမီး အသင်းတို့ ခြေစမ်းမည်
June 8, 2016AYA Bank Cup 2016 ဘောလုံးပြိုင်ပွဲ တတိယနေရာလုပွဲနှင့် ဗိုလ်လုပွဲစဉ်များကို ဇွန် ၆ ရက်က သုဝဏ္ဏကွင်း တွင် ကျင်းပခဲ့ပြီး တတိယနေရာလုပွဲတွင် မြန်မာအသင်းက ဟောင်ကောင်အသင်းကို ၃-၀ ဂိုးဖြင့် အနိုင်ရခဲ့ သလို ဗိုလ်လုပွဲတွင် ဗီယက်နမ်အသင်းက စင်ကာပူအသင်းကို ၃-၁ ဂိုးဖြင့် အနိုင်ရခဲ့သည်။
တတိယနေရာလုပွဲ ကစားခဲ့ရသည့် မြန်မာအသင်းနှင့် ဟောင်ကောင်အသင်းတို့ပွဲစဉ် ပထမပိုင်းတွင် မြန်မာ အသင်းမှ အပိုင်ဂိုးပေါက် ကန်သွင်းမှု လေးကြိမ်ထိရှိခဲ့ပြီး ဟောင်ကောင်အသင်းမှာ အပိုင်ဂိုးပေါက်ကန်သွင်းမှု မရရှိခဲ့ပေ။ မြန်မာအသင်းမှ အပိုင်ဂိုးပေါက်ကန် သွင်းမှု လေးကြိမ်အနက် ပွဲချိန် ၂၂ မိနစ်တွင် သန်းပိုင်၏ သွင်းဂိုး ဖြင့် ပထမပိုင်းအပြီးတွင် ဟောင်ကောင်အသင်းကို ၁-၀ ဂိုးဖြင့် ဦးဆောင်ထားခဲ့သည်။ ဒုတိယပိုင်းပြန်အစတွင် ဟောင်ကောင်အသင်းမှ အပိုင်ဂိုးကန်သွင်းမှုများ ရရှိလာသဖြင့် ဘောလုံးပွဲစဉ်မှာ ပိုမိုအကြိတ်အနယ် ဖြစ်ခဲ့သည်။ သို့သော် ပွဲချိန် ၇၄ မိနစ်တွင် အောင်သူအစား လူစားဝင်ရောက်ကစားခဲ့ သည့် မောင်မောင် လွင်မှ မြန်မာအသင်းအတွက် ဒုတိယဦးဆောင်ဂိုး သွင်းယူပေးခဲ့သည်။ မောင်မောင်လွင်သည် ကျော်ကိုကို၏ ဂိုးရှေ့ဖြတ်ပို့ ပေးမှုမှ တစ်ဆင့် အကောင်းဆုံး အဆုံးသတ်ကာ သွင်းယူပေးခဲ့ခြင်းဖြစ်သည်။ မြန်မာအသင်းအတွက် အနိုင် သေချာစေမည့် တတိယဂိုးကို ပွဲချိန် ၈၈ မိနစ်တွင် ရဲကိုဦးမှ ပင်နယ်တီဧရိယာထိပ်မှ အပြင်းကန်သွင်းယူပေးခဲ့ ခြင်းဖြစ်သည်။ ထို့ကြောင့် အိမ်ရှင်မြန်မာအသင်း သည် ဟောင်ကောင်အသင်းကို ၃-၀ ဂိုးဖြင့် ထိုက်ထိုက်တန် တန် အနိုင်ကစားပြီး တတိယဆုရယူခဲ့သည်။
စင်ကာပူအသင်းနှင့် ဗီယက်နမ်အသင်းတို့ ဗိုလ်လုပွဲစဉ်တွင် ပွဲကစားချိန် မိနစ် ၉၀ အတွင်း ဂိုးမရှိသရေကျခဲ့ သဖြင့် အချိန်ပိုဆက်လက် ကစားခဲ့ရသည်။ အချိန်ပို မိနစ်များတွင် ဗီယက်နမ်အသင်းက စင်ကာပူအသင်းကို သုံးဂိုးသွင်းယူခဲ့ပြီး ပွဲအပြီးတွင် ၃-၀ ဂိုးဖြင့် အနိုင်ယူကာ AYA Bank Cup 2016 ချန်ပီယံဆုဖလား ရယူ သွား ခဲ့သည်။ AYA Bank Cup 2016 ဘောလုံးပြိုင်ပွဲတွင် ချန်ပီယံဖြစ်ခဲ့သည့် ဗီယက်နမ်အသင်းမှာ ဆုဖလားနှင့်အတူ အမေရိကန်ဒေါ်လာ နှစ်သောင်း၊ ဒုတိယ စင်ကာပူအသင်းမှာ အမေရိကန်ဒေါ်လာ တစ်သောင်းနှင့် တတိယ မြန်မာအသင်းမှာ အမေရိ ကန်ဒေါ်လာ ငါးထောင် ရရှိခဲ့သည်။