၂၀၁၇ အာရှ ယူ-၁၉ အမျိုးသမီးခြေစစ်ပွဲ၏ အုပ်စုပွဲစဉ်များ ထွက်ပေါ်လာပြီး အုပ်စု(ဂ)တွင် မြန်မာအသင်းနှင့် ထိုင်း၊ ပါလက်စတိုင်း၊ ကာဇက်စ္စတန်အသင်းတို့နှင့် တစ်အုပ်စုတည်း ကျရောက်နေသည်။

၂၀၁၇ အာရှ ယူ-၁၉ အမျိုးသမီးဘောလုံးပြိုင်ပွဲကို ၂၀၁၇ ခုနှစ်၊ သြဂုတ်တွင် ဂျပန်နိုင်ငံက အိမ်ရှင်အဖြစ် ကျင်းပမည်ဖြစ်သည်။ လက်ရှိ ချန်ပီယံဂျပန်အသင်းနှင့်အတူ မြောက်ကိုရီးယား၊ တောင်ကိုရီးယား၊ တရုတ်အသင်းတို့မှာ တိုက်ရိုက် ကစားခွင့် ရထားပြီး ကျန်အသင်း များမှာ ခြေစစ်ပွဲမှတစ်ဆင့် စတင်ကစားရမည်ဖြစ်သည်။ ၂၀၁၇ အာရှ ယူ-၁၉ အမျိုးသမီးဘောလုံးပြိုင်ပွဲ၏ ခြေစစ်ပွဲစဉ်များကို လာမည့် ၂၀၁၆ အောက်တိုဘာ ၂၉ ရက်မှ နိုဝင်ဘာ ၆ ရက်ထိ ပြုလုပ်သွားမည်ဖြစ်သည်။ အုပ်(ဂ)တွင် ပါဝင်နေသည့် မြန်မာ၊ ထိုင်း၊ ပါလက် စတိုင်း၊ ကာဇက်စ္စတန် အသင်းတို့၏ ခြေစစ်ပွဲစဉ်များကို လာမည့် ၂၀၁၆ နိုဝင်ဘာ ၂ ရက်မှ ၆ ရက်ထိ ထိုင်းနိုင်ငံတွင် ကျင်းပမည်ဖြစ် သည်။ မြန်မာအသင်းသည် အုပ်စု(ဂ)၏ အဖွင့်ပွဲစဉ်အဖြစ် နိုဝင်ဘာ ၂ ရက်တွင် ပါလက်စတိုင်းအသင်း၊ နိုဝင်ဘာ ၄ ရက်တွင် ကာဇက် စ္စတန်အသင်း၊ နိုဝင်ဘာ ၆ ရက်တွင် ထိုင်းအသင်းတို့နှင့် ကစားရမည်ဖြစ်သည်။ အသင်း ၁၈ သင်း ဝင်ရောက်ကစားမည့် ခြေစစ်ပွဲတွင် အုပ်စုတစ်စုစီ၏ အမှတ်အများဆုံးရရှိသည့် အုပ်စု ထိပ်ဆုံးအသင်းတစ်သင်းစီသာ နောက်ဆုံးအဆင့်ပြိုင်ပွဲသို့ တက်ရောက်ကစားခွင့်ရ မည်ဖြစ်သည်။