ရွေးကောက် တင်မြှောက်ထားသည့် မြန်မာနိုင်ငံ ဘောလုံး အဖွဲ့ချုပ် (MFF) အလုပ်အမှုဆောင် ကော်မတီ၏ ပထမအကြိမ် အစည်းအဝေးကို ယနေ့ မွန်းလွဲ (၁း၀၀)နာရီက ပြည်လမ်းရှိ Novotel Yangon Max ဟိုတယ်တွင် ကျင်းပခဲ့ရာ MFF ဥက္ကဋ္ဌ ဦးဇော်ဇော်၊ ဒုတိယ ဥက္ကဋ္ဌများ ဖြစ်သည့် ဒေါက်တာ စိုင်းဆမ်ထွန်းနှင့် ဦးပြည့်ဖြိုးတေဇ၊ ကော်မတီ အသီးသီးမှ အဖွဲ့ဝင်များ၊ အဖွဲ့ချုပ် ဌာနခွဲများမှ တာဝန်ခံများ၊ ကျန်းမာရေးနှင့် အားကစား၊ တိုင်းဒေသကြီးနှင့် ပြည်နယ်များမှ ကော်မတီဝင်များ တက်ရောက်ခဲ့ကြသည်။ အစည်းအဝေးတွင် အဖွဲ့ချုပ် ဥက္ကဋ္ဌ ဦးဇော်ဇော်မှ မြန်မာနိုင်ငံ ဘောလုံး အဖွဲ့ချုပ် ရှေ့ဆက် ဆောင်ရွက်မည့် အစီအစဉ်များနှင့် ရည်ရွယ်ချက်များအား ရှင်းလင်းပြောကြားခဲ့ပြီး MFF အမှုဆောင် အရာရှိချုပ် ဦးသန်းဇော်မှ ဌာနများ၏ စီမံချက်များအား ကော်မတီထံ တင်ပြအစီရင်ခံခဲ့သည်။

ယင်းနောက် မြန်မာနိုင်ငံ ဘောလုံး အဖွဲ့ချုပ် ဥက္ကဋ္ဌ ဦးဇော်ဇော်က တစ်နိုင်ငံလုံးရှိ မြို့နယ်များတွင် ကိုယ်စားပြု ဘောလုံးအဖွဲ့ချုပ်များ ဖွဲ့စည်းရေး အတွက် အမှုဆောင် ကော်မတီထံ အဆိုပြုတင်သွင်းရာ တက်ရောက်လာသူ အားလုံး သဘောတူညီခဲ့ကြပြီး မြို့နယ် ဘောလုံးအဖွဲ့အစည်းများ တည်ထောင် ဆောင်ရွက်ရေးအတွက် ဝိုင်းဝန်း ဆွေးနွေးခဲ့ကြသည်။

” မြို့နယ် ဘောလုံးအဖွဲ့ချုပ်များ တည်ထောင်ဆောင်ရွက်ပြီး  ဘောလုံး အဆင့်အတန်း ပိုမိုတိုးတက်ရေး၊ လူငယ်များ ကာယဉာဏ တိုးတက်ဖွံဖြိုးရေးအတွက် အားလုံးနဲ့ ပူးပေါင်း ဆောင်ရွက်လိုပါတယ်။ မြန်မာနိုင်ငံ ဘောလုံး အဖွဲ့ချုပ် အနေနဲ့ မြို့နယ် အဖွဲ့ချုပ်တွေကို နည်းစနစ်တွေ၊ နည်းပြသင်တန်းတွေ၊ ဘောလုံးနဲ့ လေ့ကျင့်ရေး အထောက်အကူ ပစ္စည်းတွေ ပံ့ပိုးပေးပြီး တစ်နိုင်ငံလုံး အတိုင်းအတာနဲ့ ဘောလုံး အားကစား ပိုမို တိုးတက် ဖွံဖြိုးဖို့ ဆောင်ရွက်သွားမှာပါ။ MFF အနေနဲ့ မြို့နယ် အဖွဲ့ချုပ်တွေကို စံချိန်စံညွှန်း ပြည့်မီမှု ရှိမရှိ၊ မိမိမြို့နယ်အတွက် စီမံချက်တွေ ဘယ်လောက် ကောင်းအောင်ကြိုးစား ထားသလဲ၊ စတာတွေ စစ်ဆေးပြီး သတ်မှတ်စံညွှန်းနဲ့ ကိုက်ညီတဲ့ မြို့နယ်ကို သတ်မှတ်ထားတဲ့ ပံ့ပိုးမှုတွေ  ကူညီပံ့ပိုးပေးသွားဖို့ ရှိပါတယ်။ ကမ္ဘာ့ ဘောလုံး အဖွဲ့ချုပ် (FIFA) က လုပ်ကိုင်ဆောင်ရွက် နေတဲ့ ပုံစံအတိုင်း ကျွန်တော်တို့ MFF အနေနဲ့လည်း ဆောင်ရွက်တာပါ။ နိုင်ငံတကာမှာလည်း ဒီလိုပဲ လုပ်နေကြပါတယ်။ မိမိမြို့နယ်ရဲ့ ဘောလုံး အဆင့်အတန်း တိုးတက်ဖို့ စေတနာ အပြည့်အဝနဲ့ တကယ် လုပ်နိုင်ကိုင်နိုင်တဲ့ သူတွေအားလုံးကို MFF အနေနဲ့ ကြိုဆိုပါတယ်။” ဟု အဖွဲ့ချုပ် ဥက္ကဋ္ဌ ဦးဇော်ဇော်က ဆိုသည်။

MFF အနေဖြင့် မြို့နယ် ဘောလုံး အဖွဲ့ချုပ်များ ဖွဲ့စည်းရေးအတွက် သက်ဆိုင်ရာ အစိုးရ အဖွဲ့အစည်း များထံသို့လည်း တရားဝင် ခွင့်ပြုချက် တင်ပြတောင်းခံသွားမည် ဖြစ်ပြီး ခွင့်ပြုချက် ရရှိသည်နှင့် မြို့နယ် အဖွဲ့ချုပ်များ ဖွဲ့စည်းရေး လုပ်ငန်းစဉ်များကို ဆက်လက် ဆောင်ရွက်သွားမည် ဖြစ်သည်။ MFF မှသတ်မှတ်ထားသည့် စံချိန်စံညွှန်း ပြည့်မီသည့် မြို့နယ် အဖွဲ့ချုပ်များသို့ နည်းပြ သင်တန်းများ သွားရောက် ပို့ချခြင်း၊ ဒိုင်သင်တန်းများ ပို့ချပေးခြင်း၊ ပြိုင်ပွဲကျင်းပရေးနှင့် စပ်လျဉ်းသည့် သင်တန်းများ ဖွင့်လှစ်ပေးခြင်း၊ လိုအပ်သည့် ဘောလုံးများ ပံ့ပိုးပေးခြင်း တို့ကို ပြုလုပ်ပေးသွားမည် ဖြစ်သည်။

ရည်ရွယ်ချက်များ

(၁)     အောက်ခြေအဆင့်မှစတင်၍ တစ်နိုင်ငံလုံး၏ ပူးပေါင်းပါဝင်ဆောင်ရွက်မှုဖြင့် မြန်မာ့ဘောလုံးအားကစားနည်းဖွံ့ဖြိုးတိုး တက်ရေးကိုဆောင်ရွက်သာွးရန်။

(၂)     ဘောလုံးအားကစားနည်းဖြင့် နိုင်ငံသားများ၏ ကျန်းမာကြံ့ခိုင်ရေးနှင့် စာရိတ္တမဏ္ဍိုင်ကို မြှင့်တင်သာွးရန်။

(၃) အောက်ခြေအဆင့်ဘောလုံးပြိုင်ပွမဲျားမှတဆင့်နိုင်ငံကိုကိုယ်စားပြုနိုင်သောပရော်ဖက်ရှင်နယ်ဘောလုံးသမားများ၊ နည်းပြ များ၊ ဒိုင်လူကြီးများ ပေါ်ထနွ်းလာစေရန်။

(၄)     နိုင်ငံတစ်ဝှမ်းလုံးတငွ် နိုင်ငံတကာအဆင့်မီ ဘောလုံးအားကစားနည်းဆိုင်ရာ နည်းစနစ်များ၊ နည်းပညာများ ဟန်ချက်ညီ ဖွံ့ဖြိုးတိုးတက်လာစေရန်။