ဆူဇူကီးဖလား ပြိုင်ပွဲအတွက် ပြင်ဆင်လေ့ကျင့်မှုများ ပြုလုပ်နေသည့် မြန်မာ့ လက်ရွေးစင် အသင်းသည် AYA Bank Cup 2016 ပြိုင်ပွဲ အပြီးတွင် လေ့ကျင့်မှုများ ခေတ္တရပ်နားထားရာမှ လာမည့် အပတ်မှ စကာ တစ်ပတ်လျှင် တစ်ရက်ကျ ပုံမှန်လေ့ကျင့် မှုများ ပြုလုပ် သွားမည် ဖြစ်ရာ မြန်မာ့လက်ရွေးစင် အသင်း နည်းပြချုပ် ဂတ်ဆီဇီသည် အသင်းနှင့် ပူးတွဲ လေ့ကျင့်ရန် အတွက် ကစားသမား နှစ်ဦးကို ထပ်မံ ခေါ်ယူလိုက်သည်။

နည်းပြချုပ် ဂတ်ဆီဇီသည် ရှမ်းယူနိုက်တက် အသင်း ကစားသမားများ ဖြစ်ကြသည့် နောက်ခံလူ ဇော်လင်းနှင့် ဂိုးသမား မျိုးမင်းလတ် တို့ကို လက်ရွေးစင် အသင်းသို့ ထပ်မံ ပေါင်းထည့်ခဲ့ခြင်း ဖြစ်ရာ မူလ ခေါ်ယူထားသည့် ကစားသမား ၂၇ ဦးနှင့် ပေါင်းပါက ဂတ်၏ လက်ရွေးစင် ပဏာမ အသင်းတွင် ကစားသမား ၂၉ ဦးထိ ရှိလာခဲ့ပြီ ဖြစ်သည်။

လာမည့် ဇွန် ၂၁ တွင် မြန်မာ့လက်ရွေးစင် အသင်းကို ပြန်လည် စုစည်း လေ့ကျင့်မှု ပြုလုပ်သွားမည် ဖြစ်ပြီး တစ်ပတ်လျှင် တစ်ရက်ကျ စုစည်းလေ့ကျင့်မှုများ ပြုလုပ်ရန် စီစဉ်ထားသည်။

ပဏာမ မြန်မာ့လက်ရွေးစင် အသင်း လူစာရင်း

ဂိုး – ရန်အောင်လင်း (ရတနာပုံ)၊ ပြည့်ဖြိုးအောင် (ဆောက်သမ်း မြန်မာ)၊ ကျော်ဇင်ဖြိုး (မကွေး)၊ မျိုးမင်းလတ် (ရှမ်းယူနိုက်တက်)။

နောက် – ကျော်ဇင်လွင်၊ နန္ဒကျော်၊ နိုင်လင်းထွန်း (မကွေး)၊ အောင်ဇော် (ဟံသာဝတီ)၊ ဇော်မင်းထွန်း၊ သီဟထက်အောင် (ရန်ကုန်)၊ ဖြိုးကိုကိုသိန်း (ဧရာဝတီ)၊ ဟိန်းသီဟဇော်၊ ဇော်လင်း (ရှမ်းယူနိုက်တက်)၊ ကိုကိုဟိန်း (ဇွဲကပင်)။

လယ် – ဒေးဗစ်ထန်၊ ရန်အောင်ကျော်၊ ကြည်လင်း (ရန်ကုန်)၊ မျိုးကိုထွန်း၊ ရဲကိုဦး၊ လှိုင်းဘိုဘို (ရတနာပုံ)၊ ဇင်ဖြိုးအောင် (ဇွဲကပင်)၊ ရန်နိုင်ဦး (ရှမ်းယူနိုက်တက်)၊ မောင်မောင်လွင် (ဟံသာဝတီ)၊ သီဟဇော် (ဧရာဝတီ)။

ရှေ့ – အောင်သူ၊ ဝင်းနိုင်စိုး (ရတနာပုံ)၊ သန်းပိုင်၊ ကျော်ကိုကို (ရန်ကုန်)၊ ဆောင်လမန် (ချင်းယူနိုက်တက်)။