
ရုရှားနိုင်ငံသွားရောက်မည့် မြန်မာလူငယ်များအား MFF ဥက္ကဋ္ဌ တွေ့ဆုံအားပေးစကားဆို
May 30, 2018
မြန်မာနိုင်ငံ ဘောလုံးအဖွဲ့ချုပ် မျိုးဆက်သစ် ဒိုင်လူကြီး သင်တန်း ၂/၂၀၁၈ သင်တန်းဆင်းပွဲ အခမ်းအနားကျင်းပ
June 1, 2018မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်သည် ယနေ့ မွန်းလွဲပိုင်းက ယူ၂၀ ကမ္ဘာ့ဖလားမျိုးဆက် ကစားသမားများဖြစ်ကြသော ကျော်မင်းဦး၊ ငြိမ်းချမ်းအောင်နှင့် သီဟထက်အောင်တို့အား ခေါ်ယူတွေ့ဆုံခဲ့သည်။
ဒဏ်ရာကြောင့် အချိန်ကြာမြင့်စွာ အနားယူနေရသည့် ကျော်မင်းဦးနှင့် ငြိမ်းချမ်းအောင်တို့အား ထိုင်းနိုင်ငံသို့ ခေါ်ဆောင်ကာ ထပ်မံ စစ်ဆေးကုသမှုများ ခံယူစေမည်ဖြစ်ပြီး ကလပ်အသင်းနှင့် လက်ရွေးစင် အသင်းများတွင် ပြန်လည်ပါဝင်ကစားနိုင်ရေး ကစားသမားများဘက်ကလည်း အစွမ်းကုန် ကြိုးစားဖို့ လိုအပ်ကြောင်း ဆုံးမတိုက်တွန်းခဲ့သည်။
ထို့အတူ အရည်အချင်းနှင့် ခြေစွမ်း ကောင်းမွန်းသော်လည်း စည်းကမ်းပိုင်း အားနည်းချက်များကြောင့် ပြိုင်ပွဲနှင့် ဝေးကွာနေခဲ့သည့် သီဟထက်အောင်ကိုလည်း လက်ရွေးစင်အသင်းတွင် ပြန်လည်ပါဝင်နိုင်ရေးအတွက် နှစ်ဆပိုမိုကြိုးစားအားထုတ်သင့်ကြောင်း ဆုံးမခဲ့သည်။
ထို့အပြင် အောင်မြင်မှုနှင့် ငွေကြေးခံစားခွင့်များ မြောက်မြားစွာခံစားနေရသည့်တိုင် ပရော်ဖက်ရှင်နယ်ပီသစွာ ပြုမူနေထိုင်ကြိုးစားနေသည့် မိမိတို့၏ သူငယ်ချင်း အောင်သူကိုနမူနာယူ၍ ၂၂၊ ၂၃နှစ်အရွယ် ကစားသမားများ အနေဖြင့် လက်ကျန် ကစားသမားသက်တမ်းအား အဓိပ္ပာယ်ရှိစွာ ဖြတ်သန်းနိုင်ရန် ကြိုးစားပြီး မိမိ၏ မိသားစု၊ ဆရာသမားများအပါအဝင် မိမိတို့အား လူလားမြောက်စေခဲ့သော နိုင်ငံအတွက် ပြန်လည်ပေးဆပ်ရန် လိုကြောင်း ပြောကြားခဲ့သည်။