၂၀၂၀ အိုလံပစ် ခြေစစ် အမျိုးသမီးဘောလုံးပြိုင်ပွဲ အာရှဇုန် ခြေစစ်ပွဲအတွက် အုပ်စုများမဲခွဲပွဲ အခမ်းအနားကို လာမည့် သြဂုတ်လ ၂ ရက်နေ့ မနက် (၁၁း၀၀)နာရီတွင် အာရှဘောလုံး အဖွဲ့ချုပ် (AFC) ရုံးချုပ်တွင် ကျင်းပသွားမည်ဖြစ်သည်။ AFC အနေဖြင့် ပြိုင်ပွဲဝင် အသင်းများ၏ ဆီဒင်အဆင့် ရပ်တည်မှုများအရ ပထမအဆင့်တွင် မြန်မာအသင်း အပါအဝင် အသင်း ၁၉ သင်းအား လာမည့် ၂၀၁၈ နိုဝင်ဘာ ၄ မှ ၁၃ ရက်နေ့အထိ ဦးစွာယှဉ်ပြိုင် ကစားစေမည် ဖြစ်သည်။

ဒုတိယ အဆင့်ခြေစစ်ပွဲကို ပထမအဆင့်မှ ထိပ်ဆုံး ၁၀ သင်းကို အာရှအဆင့် ၆ နှင့် ၇ (ဗီယက်နမ်နှင့် ဥဇဘက်ကစ္စတန်) နှစ်သင်းဖြင့်ပေါင်း၍ စုစုပေါင်း ၁၂ သင်းဖြင့် ၂၀၁၉ ဧပြီ ၁ မှ ၉ အထိ ကျင်းပသွားမည်ဖြစ်သည်။ ယင်းနောက် တတိယအဆင့် ခြေစစ်ပွဲကို ဆီဒင်အဆင့် ၁ မှ ၅ အထိ (သြစတြေးလျ၊ မြောက်ကိုရီးယား၊ တောင်ကိုရီးယား၊ တရုတ်၊ထိုင်း)တို့နှင့်အတူ ဒုတိယအဆင့်မှ အနိုင်ရလာသည့် အသင်း ၃ သင်းဖြင့်ပေါင်းကာ စုစုပေါင်း အသင်း(၈)သင်းဖြင့် ဆက်လက်ကျင်းပသွားမည်ဖြစ်သည်။ တတိယအဆင့် ခြေစစ်ပွဲများကို ၂၀၂၀ ခုနှစ် ဇန်နဝါရီ/ဖေဖော်ဝါရီတို့တွင် ကျင်းပသွားမည်ဖြစ်သည်။

ယင်းနောက် တတိယအဆင့်မှ အနိုင်ရလာသည့် အသင်း ၄ သင်းသည် Play Off ပွဲစဉ်များအဖြစ် ၂၀၂၀ ခုနှစ်မတ်လ အတွင်း အိမ်ကွင်း အဝေးကွင်း နှစ်ကျော့ ကစားရမည်ဖြစ်ကာ အနိုင်ရရှိသည့် အသင်း ၂ သင်းသာ ၂၀၂၀ အိုလံပစ် အမျိုးသမီး ဘောလုံးပွဲစဉ်များသို့ တက်ရောက် ကစားခွင့်ရမည်ဖြစ်သည်။ အိမ်ရှင် ဂျပန်အမျိုးသမီးအသင်းမှာမူ ခြေစစ်ပွဲဝင်စရာမလိုဘဲ အလိုအလျောက် ခြေစစ်ပွဲအောင်မည်ဖြစ်သည်။

၂၀၂၀ အိုလံပစ် အမျိုးသမီးဘောလုံး ခြေစစ်ပွဲအဆင့် ပြိုင်ပွဲဝင်ခွင့်ရ အသင်းများ

Encl 1) – WOFT2020 QR1 Draw Mechanism-1

ခြေစစ်ပွဲ အဆင့်လိုက် ကျင်းပမည့်ပုံစံနှင့် ကျင်းပမည့်ရက်များ လျာထားချက်

Encl 1) – WOFT2020 QR1 Draw Mechanism-2

ခြေစစ်ပွဲဝင် အသင်းများအား ဆီဒင်အဆင့်သက်မှတ်ချက်

Encl 1) – WOFT2020 QR1 Draw Mechanism-3

ခြေစစ်ပွဲအုပ်စုများရေးဆွဲမည့်ပုံစံနှင့် အုပ်စုခွဲဝေမည့်စနစ်

Encl 1) – WOFT2020 QR1 Draw Mechanism-4

Encl 1) – WOFT2020 QR1 Draw Mechanism-5