
ALPINE CUP 2018 ဖိတ်ခေါ်ပြိုင်ပွဲနှင့် ၂၀၁၈ အာရှ အားကစားပွဲတော် ပဏာမ မြန်မာ ကစားသမား ၂၆ ဦးစာရင်း
July 17, 2018
ALPINE CUP 2018 ပြိုင်ပွဲ၏ ဒုတိယနေ့ ပွဲစဉ် တွင်မြန်မာအသင်း ဘာရိန်းအသင်းနှင့် တစ်ဂိုးစီသရေကျ
August 3, 2018မြန်မာလက်ရွေးစင် ယူ-၂၃ အသင်းသည် Alpine Cup 2018 ပြိုင်ပွဲ၏ အဖွင့်ပွဲစဉ် အဖြစ်ယှဉ်ပြိုင်ကစားခဲ့သော တောင်ကိုရီးယား ယူ-၁၉ အသင်းနှင့် ပွဲစဉ်တွင် ၄-၃ ဂိုးဖြင့် ရှုံးနိမ့်ခဲ့ရသည်။
မြန်မာလက်ရွေးစင် ယူ-၂၃ အသင်းသည် ပြိုင်ဘက်၏ လေးဂိုးပြတ် ဦးဆောင်ခြင်းကို ခံခဲ့ရသော်လည်း ဒွေးကိုကိုချစ်၊ မြတ်ကောင်းခန့် ရန်နိုင်ဦးတို့က ချေပဂိုး သုံးဂိုး ပြန်လည်သွင်းယူပေးနိုင်ခဲ့သည်။
75’ Dway Ko Ko Chit
85’ Myat Kaung Khant
90’+1 Yan Naing Oo
ပွဲအပြီး သတင်းစာ ရှင်းလင်းပွဲတွင် မြန်မာ့လက်ရွေးစင် ယူ-၂၃ အသင်းနည်းပြ ချုပ် အန်တွမ်နီဟေးလ် “ပွဲကောင်းတစ်ပွဲဖြစ်ပေမဲ့ ရလဒ်အတွက် စိတ်မကောင်းပါဘူး။ ပထမပိုင်းမှာ သုံးဂိုးပြတ်ရှုံးနေခဲ့ပေမဲ့ ကစားသမားတွေကို အပြစ်မပြောခဲ့ဘူး။ ဒါကလည်း ကစားပုံကောင်းနေသေးလို့ပါ။ ဒုတိယပိုင်းအတွက်အားပေးစကားပဲ ပြောခဲ့ပြီး သုံးဂိုးအထိ ပြန်သွင်းယူနိုင်ခဲ့ကတော့ ကစားသားတွေ အတွက်ရော အသင်းအတွက်ပါ ကောင်းမွန်တဲ့ ရလဒ်ပါ။ ကစားသမားတွေကလည်းကျွန်တော်ရဲ့ နည်းစနစ်တွေကို အကောင်းဆုံး ကြိုးစား လေ့ကျင့်ကြပါတယ်။ ပွဲထွက်လူစာရင်းကို အလှည့်ကျ စနစ်ကို အသုံးပြဲနေပါတယ်” ဟုပြောကြားခဲ့သည်။
တောင်ကိုရီးယား ယူ-၂၃ အသင်းနည်းပြချုပ် Mr. Chung Jungyong က “လေးဂိုးပြတ် ရှုံးနေပေမဲ့ သုံးဂိုးအထိ ရရှိခဲ့ပြီး ပွဲပြီးတဲ့အထိ အကောင်းဆုံး ကစားခဲ့တဲ့ မြန်မာအသင်းကို ချီးကျူးချင်ပါတယ်။ ဒါပေမဲ့ ပြည်ပထွက်ကစားနေတဲ့ ကစားသမားပါဝင်နေတာရယ် လေ့ကျင့်ချိန် နည်းနေနေသေးတာရယ်ကြောင့် အချိတ်အဆက်မမိတာတွေတော့ တွေ့ခဲ့ရတယ်။ ဒါတွေကို အာရှအားကစားပြိုင်ပွဲ မတိုင်မီ ပြင်ဆင်နိုင်မယ်ဆိုရင် ပြိုင်ပွဲမှာ နောက်တစ်ဆင့် တက်နိုင်ပါတယ်”ဟု ပြောကြားခဲ့သည်။
Alpine Cup 2018 ပြိုင်ပွဲ အဖွင့်ပွဲစဉ် အဖြစ် ယှဉ်ပြိုင်ကစားခဲ့သော ပွဲစဉ်တွင် ဘာရိန်းယူ-၂၃ အသင်းက ၃-၂ဂိုးဖြင့် ထိုင်းအသင်းကို အနိုင်ရရှိခဲ့သည်။