MFF Women’s League 2018-19 Week-2 ပြိုင်ပွဲ၏ ဒုတိယမြောက်ပွဲစဉ်အဖြစ် ယှဉ်ပြိုင် ကစားခဲ့ကြသော Myawady အသင်းနှင့် Gandamar အသင်းတို့ ပွဲစဉ်တွင် Myawady အသင်းက ၁၀-၀ ဂိုးဖြင့် အနိုင်ရရှိခဲ့သည်။

Myawady အသင်းက ပွဲစသည်နှင့် ဖိအားပေး တိုက်စစ်ဆင် ကစားခဲ့ပြီး ပွဲချိန် (၈) မိနစ်တွင် ပန်းအိခိုင်က Myawady အသင်းအတွက် ပထမဂိုး၊ ပွဲချိန် ၁၆ မိနစ်တွင် လှယဉ်ဝင်းက ဒုတိယ ဂိုး၊ ပွဲချိန် ၂၆ မိနစ်တွင် ပန်းအိခိုင်က တတိယဂိုး၊ ခိုင်သဇင်က စတုတ္ထဂိုး၊ ပွဲချိန် ၄၄ မိနစ်တွင် ဇင်မာထွန်းက ပဉ္စမဂိုးကို သွင်းယူပြီး ပထမပိုင်း အပြီးတွင် Myawady အသင်းက ၅-၀ ဂိုးဖြင့် အနိုင်ရရှိနေခဲ့သည်။

ဒုတိယပိုင်းတွင်လည်း Myawady အသင်းကပဲ ဆက်လက်ဖိအားပေးကစားခဲ့ပြီး ပွဲချိန် ၆၃ မိနစ်တွင် ခိုင်သဇင်က ဆဌမဂိုး၊ခင်သန်းဝေက ပွဲချိန် ၇၃ မိနစ်တွင် သတ္တမဂိုး၊ ပွဲချိန် ၇၅ မိနစ်တွင် ပန်းအိခိုင်က အဌမဂိုး၊ အိစန္ဒာဇော် ပွဲချိန် ၈၃ မိနစ်တွင်နဝမဂိုး၊ မိနစ်၉၀တွင် အေးမျိုးမြတ်က ဒဿမဂိုး ကိုသွင်းယူပေးခဲ့ပြီး ပွဲအပြီးတွင် မြဝတီ အသင်းက ၁၀-၀ ဂိုးဖြင့် အနိုင် ရရှိခဲ့သည်။