လာမည့် ဇန်နဝါရီလအတွင်း ပြည်ပ ခြေစမ်းပွဲနှစ်ပွဲ သွားရောက်ယှဉ်ပြိုင် ကစားမည့် မြန်မာ့လလက်ရွေးစင် ယူ-၂၂ အသင်းသည် ဒီဇင်ဘာလ ၂၉ ရက်နေ့ နံနက်ပိုင်းက စတင်၍ စခန်းဝင်လေ့ကျင့်မှုများ ပြုလုပ်ခဲ့သည်။

မြန်မာ့လက်ရွေးစင် ယူ-၂၂ အသင်းသည် အိုမန်နှင့် ကာတာနိုင်ငံများသို့ သွားရောက်၍ ခြေစမ်းပွဲများ ယှဉ်ပြိုင် ကစားမည်ဖြစ်သည်။

မြန်မာ့လက်ရွေးစင် အသင်းသည် ဇန်နဝါရီလ ၇ ရက်တွင် အိုမန်ယူ-၂၃ အသင်းနှင့် လည်းကောင်း၊ ဇန်နဝါရီ ၁၀ ရက် တွင် ကာတာ ယူ-၂၃ အသင်းနှင့် လည်းကောင်း ခြေစမ်းပွဲများ ယှဉ်ပြိုင် ကစားမည်ဖြစ်သည်။

မြန်မာလက်ရွေးစင် ယူ-၂၂ အသင်းကို အဖွဲ့ခေါင်းဆောင်အဖြစ် ဦးကိုကိုသိန်း နည်းပြချုပ် အဖြစ် ဦးကြည်လွင်တို့က တာဝန်ယူကိုင်တွယ်လျက် ရှိပြီး ခြေစမ်းပွဲစဉ်များယှဉ်ပြိုင် ကစားရာတွင် အုပ်ချုပ်နည်းပြ အဖွဲ့ဝင် ၇ ဦး၊ ကစားသမား ၂၀ ဦးတို့ ပါဝင်ကြမည်ဖြစ်သည်။