အခမ်းအနားကို မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်၊ ဒုတိယဥက္ကဋ္ဌ များဖြစ်သော ‌ဒေါက်တာ စိုင်းဆမ်ထွန်း၊ ဦးပြည့်ဖြိုးတေဇ၊အလုပ်အမူဆောင်များ၊ မြန်မာနေရှင်လိဂ် (၁)၊ လိဂ် (၂) မှ တာဝန်ရှိသူများ၊ ဘောလုံးအဖွဲ့ချုပ် ရွေးကောက်ပွဲ ကော်မရှင်အဖွဲ့ဝင်များ၊ ရွေးကောက်ပွဲဝင် ကိုယ်စားလှယ်များ၊ တိုင်းဒေသကြီးနှင့် ပြည်နယ် ၂၄၃ မြို့နယ်ဘောလုံးအဖွဲ့ချုပ်များမှ တာဝန်ရှိသူများ၊ ဖီဖာ၊ အာရှနှင့်အာဆီယံ ဘောလုံးအဖွဲ့ချုပ်တို့မှ တာဝန်ရှိသူများ၊ ဖိတ်ကြားထားသူများ တက်ရောက်ခဲ့သည်။

အခမ်းအနား အစီအစဉ်အရ ရှေးဦးစွာ ၂၀၂၀ ပြည့်နှစ် ဒုတိယအကြိမ် မြန်မာနိုင်ငံဘောလုံးအဖွဲ့ချုပ် ညီလာခံစတင်ကြောင်းကြေညာပြီး အာဆီယံ ဘောလုံးအဖွဲ့ချုပ် ဥက္ကဋ္ဌ Major General Khiev Sameth မှ နူတ်ခွန်းဆက် စကားပြောကြားခဲ့သည်။

ထို့နောက် မြန်မာနိုင်ငံ ဘောလုံးအဖွဲ့ချုပ် ဥက္ကဋ္ဌ ဦးဇော်ဇော်မှ ကြိုဆိုနူတ်ခွန်းဆက်စကားပြောကြားခဲ့ပြီး ညီလာခံ၏ တ ရားဝင် မှတ်တမ်းများကို စစ်ဆေးမည့် အဖွဲ့ဝင် ( ၃) ဦးခန့်ထားခြင်း၊ ဆန္ဒမဲ‌ပေးခြင်းနှင့် မဲရေတွက်ခြင်း ကြီးကြပ်ရန် အဖွဲ့ဝင် ( ၅) ဦးခန့် ထားခြင်း တို့ကို အစီအစဉ်အတိုင်း ပြုလုပ်ခဲ့သည်။

ယင်းနောက် မြန်မာနိုင်ငံဘောလုံးအဖွဲ့ချုပ်၏ ၂၀၁၈ ခုနှစ် ရ/သုံး ငွေစာရင်းရှင်းတမ်း တင်ပြခြင်း၊ ငွေစာရင်းနှင့် ပတ်သက်၍ ပြင်ပစာရင်းစစ်အဖွဲ့၏ အစီရင်ခံစာ တင်ပြခြင်း၊ ၂၀၂၀ ဘဏ္ဍာရေးနှစ် ရ/သုံး မှန်းချေ ငွေစာရင်း တင်ပြခြင်းနှင့် ဘတ်ဂျက်ကို အတည်ပြုခြင်း၊ စာရင်း ပိုင်းဆိုင်ရာ စစ်ဆေးရန်နှင့် အတည်ပြုပေးရန် မှတ်ပုံတင် စာရင်းကိုင် အဖွဲ့ခန့်အပ်ခြင်း၊ မြန်မာနိုင်ငံဘောလုံးအဖွဲ့ချုပ် ဖွဲ့စည်းပုံ ဥပဒေပါ အချက်များကို ပြင်ဆင်ရန် အဆိုပြုခြင်းတို့ကို ပြုလုပ်ခဲ့သည်။

ကွန်ဂရက်စ် အစီစဉ်များ ပြီးသည့်နောက်တွင် ရွေးကောက်ပွဲအစီအစဉ်များ ဆက်လက်ကျင်းပခဲ့ရာ ၂၀၂၀-၂၀၂၄ အထိ (၄)နှစ်တာကာလအတွက် မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ၊ ဒုတိယဥက္ကဋ္ဌ၊ အလုပ်အမူဆောင်များအား အောက်ပါအတိုင်း မဲပေးရွေးချယ်ခံကြသည်။

၂၀၂၀- ၂၀၂၄ အထိ (၄)နှစ်တာကာလအတွက် ဥက္ကဋ္ဌနှင့် အလုပ်အမူဆောင်များ

ဥက္ကဋ္ဌ – ဦးဇော်ဇော်

ဒုတိယဥက္ကဋ္ဌ – ‌ဒေါက်တာ စိုင်းဆမ်ထွန်း၊ ဦးပြည့်ဖြိုးတေဇ

မြန်မာနေရှင်လိဂ် (၁) ကိုယ်စားလှယ် – ဦးခွန်နောင်မြင့်ဝေ၊ ဦးလှဌေး၊ ဦးဇော်မင်းသိန်း

မြန်မာနေရှင်လိဂ် (၂) ကိုယ်စားလှယ် – ဦးထောင်ထာထန်း

အထက်မြန်မာပြည် ကိုယ်စားလှယ် – ဦးခင်မောင်လေး၊ ဒေါ်မေမြတ်နွယ်

အောက်မြန်မာပြည် ကိုယ်စားလှယ် – ဦးမင်းလိူင်၊ ဦးဇွဲလှိုင်မှီ

နည်းပြဆရာ ကိုယ်စားလှယ် – ဦးတင်မြင့်အောင်၊

လက်ရွေးစင် ကစားသမား ကိုယ်စားလှယ် – ဦးသန်းတိုးအောင်

ဒိုင်လူကြီး ကိုယ်စားလှယ် – ဦးထွန်းလှအောင်

အမျိုးသမီး ဘောလုံး ကိုယ်စားလှယ် – ဒေါ်မြတ်မြတ်ဦး

ဖူဆယ်နှင့် သဲသောင်ပြင် ကိုယ်စားလှယ် – ဒေါက်တာရဲမွန်ထွဋ်

ဌာနဆိုင်ရာ ကိုယ်စားလှယ် ( အားကစား) – ဦးကျော်ဆန်း

ဌာနဆိုင်ရာ ကိုယ်စားလှယ် (ပညာရေး) – ဦးကိုကိုဌေး

ဌာနဆိုင်ရာ ကိုယ်စားလှယ် ( ကျန်းမာရေး) – ဒေါက်တာ သန်းနိုင်စိုး

မဲပေးရွေးချယ်မှုများ အပြီးတွင် အဖွဲ့ချုပ်ဥက္ကဋ္ဌ ဦးဇော်ဇော်က ရှေ့လုပ်ငန်းစဉ်များနှင့် ကျေးဇူးတင်စကားဆိုခဲ့ပြီး အခမ်းအနားကို ရုပ်သိမ်းခဲ့သည်။