မြန်မာ့လက်‌ရွေးစင် အမျိုးသား ဖူဆယ် အသင်းသည် NSDF Futsal Invitation Championship 2022 ပြိုင်ပွဲ၏ ဆီမီးဖိုင်နယ် ပွဲစဉ်အဖြစ် မတ် ၁၉ ရက်ညနေပိုင်းက ယှဉ်ပြိုင်ကစားခဲ့သည့် အိမ်ရှင် ထိုင်းအသင်းနှင့် ပွဲစဉ်တွင် ၂-၀ ဂိုးဖြင့် ရှုံးနိမ့်ခဲ့ရသည့် အတွက် ဗိုလ်လုပွဲနှင့် လွဲချော်ခဲ့ရပြီး တတိယ နေရာလုပွဲသာကို ယှဉ်ပြိုင်ကစားရတော့မည် ဖြစ်သည်။

ထိုင်းအသင်းအနေဖြင့် မြန်မာအသင်းကို ပထမပိုင်းတွင် သွင်းယူခဲ့သော ဂိုးများဖြင့် အနိုင်ရရှိခဲ့ပြီး ဗိုလ်လုပွဲအဆင့်သို့ တက်ရောက်နိုင်ခဲ့ခြင်း ဖြစ်သည်။ ထိုပွဲစဉ်တွင်လည်း မြန်မာ့လက်ရွေးစင် ဖူဆယ် အသင်းဂိုးသမား ကျော်ထက်အောင်က အကောင်းဆုံး ကစားသမားဆုကို ထပ်မံ ရရှိခဲ့ပြီး နှစ်ပွဲဆက် အကောင်းဆုံးကစားသမားဆုကို ရယူနိုင်ခဲ့သည်။

မြန်မာအသင်းသည် မတ် ၂၀ ရက် မြန်မာစံတော်ချိန် မွန်းလွဲ ၂း၃၀ အချိန်တွင် အီရန် အသင်းကို ၃-၀ ဂိုးဖြင့် ရှုံးနိမ့်ခဲ့သော အိုမန်အသင်းနှင့် တတိယနေရာလုပွဲ ယှဉ်ပြိုင် ကစားရမည် ဖြစ်သည်။