မြန်မာ့လက်ရွေးစင် ဖူဆယ် အသင်းသည် ထိုင်းနိုင်ငံတွင် ကျင်းပလျက်ရှိသည့် NSDF Futsal Invitation Championship 2022 ပြိုင်ပွဲ၏ တတိယ နေရာလုပွဲအဖြစ် အိုမန်အသင်းနှင့် ယှဉ်ပြိုင်ကစားခဲ့ရာ ပင်နယ်တီ အဆုံးအဖြတ်ဖြင့် ရှုံးနိမ့်ခဲ့ရသည်။

မြန်မာ့လက်ရွေးစင် ဖူဆယ် အသင်းသည် ယခုပွဲစဉ်တွင်လည်း ကစားသမားအချို့ အပြောင်းအလဲပြုလုပ်ပြီး အိုမန်အသင်းကို ရင်ဆိုင်ခဲ့သည်။ ထိုပွဲစဉ်၏ ပထမပိုင်းတွင် တစ်ဂိုးစီသရေဖြင့် ပြီးဆုံးခဲ့ပြီး ဒုတိယပိုင်းတွင် နှစ်ဂိုးစီ ထပ်မံသွင်းယူနိုင်ခဲ့သောကြောင့် ဒုတိယပိုင်း အပြီးတွင် သုံးဂိုးစီ သရေ ရလဒ်ထွက်ပေါ်ခဲ့သည်။ မြန်မာအသင်းအတွက် ဂိုးများကို မျိုးသက်အောင်၊ ချမ်းသာနှင့် နိုင်လင်းထွန်းကျော်တို့က သွင်းယူပေးခဲ့ခြင်းဖြစ်သည်။

ထို့နောက် ပင်နယ်တီအဆုံးအဖြတ်ခံယူခဲ့ရာတွင် အိုမန်အသင်းက ၅-၄ ဂိုးဖြင့် အနိုင်ရရှိခဲ့ခြင်းဖြစ်သည်။