မြန်မာ့လက်ရွေးစင် အမျိုးသမီး ဖူဆယ်အသင်းသည် ထိုင်းနိုင်ငံတွင် ကျင်းပလျက်ရှိသည့် NSDF Women’s Futsal Championship 2022 ပြိုင်ပွဲတွင် အသင်း၏ ဒုတိယမြောက်ပွဲစဉ်အဖြစ် ဧပြီ ၂၃ ရက် ညနေပိုင်းက ယှဉ်ပြိုင်ကစားခဲ့သော ထိုင်းအောလ်စတား အမျိုးသမီးအသင်းနှင့်ပွဲစဉ်တွင် ၄-၁ ဂိုးဖြင့် ရူံးနိမ့်ခဲ့သည်။

ထိုင်းအောလ်စတားအမျိုးသမီးအသင်းသည် ပွဲချိန် ပထမပိုင်းတွင် ၃ ဂိုး ၊ ဒုတိယပိုင်းတွင် ၁ ဂိုးသွင်းယူခဲ့ပြီး မြန်မာအသင်းအတွက် တစ်လုံးတည်းသောဂိုးကို ပွဲချိန်ဒုတိယပိုင်းတွင် မေသက်ပိုင်က သွင်းယူခဲ့ခြင်းဖြစ်သည်။

အစောပိုင်း ယှဉ်ပြိုင်ကစားခဲ့သော ဩစတြေးလျကလပ် ဆောက်ပါ့ခ်အသင်းနှင့် အင်ဒိုနီးရှားအသင်းတို့ ပွဲစဉ်တွင် အင်ဒိုနီးရှားအသင်းက ၄-၂ ဂိုးဖြင့် အနိုင်ရခဲ့သည်။

မြန်မာအသင်းသည် အုပ်စု တတိယပွဲစဉ်အဖြစ် ဧပြီ ၂၄ ရက်၊ မြန်မာစံတော်ချိန် နေ့လယ် ၁း၃၀ နာရီ အချိန်တွင် အင်ဒိုနီးရှားအသင်းနှင့် ထပ်မံ ယှဉ်ပြိုင်ကစားရမည် ဖြစ်သည်။