မြန်မာ့လက်ရွေးစင် အမျိုးသမီးဖူဆယ် အသင်းသည် ထိုင်းနိုင်ငံတွင် ကျင်းပလျက်ရှိသည့် NSDF Women’s Futsal Championship 2022 ပြိုင်ပွဲတွင် တတိယမြောက် ပွဲစဉ်အဖြစ် အင်ဒိုနီးရှား အမျိုးသမီးလက်ရွေးစင်အသင်းနှင့် ယှဉ်ပြိုင်ကစားခဲ့ရာ ၃-၂ ဂိုးဖြင့် ရှုံးနိမ့်ခဲ့သည်။

ပွဲချိန် ပထမပိုင်းတွင် အင်ဒိုနီးရှား အမျိုးသမီးလက်ရွေးစင်အသင်းက ၂-၁ဂိုးဖြင့် ဦးဆောင်ကစားခဲ့ပြီး မြန်မာအသင်းအတွက် ပထမဂိုးကို ခင်ပြည့်လင်းက သွင်းယူပေးခဲ့သည်။ ဒုတိယပိုင်းတွင် ပွဲကအပြန်အလှန်ဖြစ်ခဲ့ပြီး နှစ်သင်းစလုံး တစ်ဖက်တစ်ဂိုးစီသွင်းကာ မြန်မာအသင်းအတွက်ဂိုးကို ဇင်မိုးပြည့်က သွင်းယူပေးခဲ့သည်။

မြန်မာ့လက်ရွေးစင် အမျိုးသမီးဖူဆယ်အသင်းသည် ထိုင်းဖိတ်ခေါ်ပြိုင်ပွဲတွင် နိုင်ပွဲပျောက်နေပြီး ၃ ပွဲကစား ၃ ပွဲစလုံး ရူံးနိမ့်ထားသည်။

မြန်မာအသင်းသည် အုပ်စု နောက်ဆုံးပွဲစဉ်အဖြစ် ဧပြီ ၂၆ ရက်၊ မြန်မာစံတော်ချိန် နေ့လယ် ၁း၃၀ နာရီ အချိန်တွင် ဩစတြေးလျကလပ် ဆောက်ပါ့ခ်အသင်းနှင့် ယှဉ်ပြိုင်ကစားရမည် ဖြစ်သည်။