(၃၁)ကြိမ်မြောက်ဆီးဂိမ်းစ် အမျိုးသားဖူဆယ် ဘောလုံးပြိုင်ပွဲအဖြစ် အင်ဒိုနီးရှားနှင့် မြန်မာအသင်းတို့ ယနေ့ (မေ ၁၄ရက်)တွင်
Ha Nam Gymnasium ၌ ယှဉ်ပြိုင်ကစားခဲ့ရာ မြန်မာအသင်းက ၆-၀ ဂိုးဖြင့် အရေးနိမ့်ခဲ့သည်။

မြန်မာအသင်းသည် ကျော်ထက်အောင်(ဂိုး)၊ မျိုးသက်အောင်၊ ဝေဇင်ဦး၊ခင်ဇော်လင်း၊ သိုင်းဘွဲ့အောင်တို့ဖြင့် ပွဲထုတ်ခဲ့ပြီး ပွဲချိန် ပထမပိုင်း
အစပိုင်းတွင် မြန်မာအသင်းအမှားကို အခွင့်ကောင်းယူပြီး အင်ဒိုနီးရှားအသင်းက ပထမဦးဆောင်ဂိုး သွင်းယူခဲ့သည်။ ထို့နောက် နှစ်သင်းစလုံး အပြန်အလှန်ကစားခဲ့ပြီး ပထမပိုင်းအပြီးတွင် အင်ဒိုနီးရှားအသင်းက (၁-၀)ဂိုး အနိုင်ရလဒ်ဖြင့် ဦးဆောင်ကစားခဲ့သည်။

ဒုတိယပိုင်းတွင် အင်ဒိုနီးရှားအသင်း ကစားပုံ ပိုကောင်းခဲ့ပြီး နောက်ထပ် ၅ ဂိုး သွင်းယူခဲ့သောကြောင့် ပွဲအပြီးတွင် မြန်မာအသင်း (၆-၀)ဂိုးဖြင့်အရေးနိမ့်ခဲ့ခြင်းဖြစ်သည်။

မြန်မာ့လက်ရွေးစင် ဖူဆယ်အသင်းသည် ဧပြီလ အစောပိုင်းက ကျင်းပခဲ့သည့် AFF FUTSAL CHAMPIONSHIP 2022 ပြိုင်ပွဲတွင်လည်း အင်ဒိုနီးရှားအသင်းကို (၁ – ၆)ဂိုးဖြင့် ရူံးနိမ့်ခဲ့သည်။

မြန်မာ့လက်ရွေးစင် ဖူဆယ် အမျိုးသားအသင်းသည် ဆီးဂိမ်းစ်ပြိုင်ပွဲအဖြစ် မေ ၁၆ ရက်တွင် ထိုင်းအသင်းနှင့် လည်းကောင်း၊မေ ၁၈ ရက်တွင် အိမ်ရှင်ဗီယက်နမ်အသင်းနှင့်လည်းကောင်း၊ မေ ၂၀ ရက်တွင် မလေးရှားအသင်းနှင့် လည်း‌ကောင်း ဆက်လက်ယှဉ်ပြိုင် ကစားရမည် ဖြစ်သည်။

အိမ်ရှင် ဗီယက်နမ်အသင်းနှင့် မလေးရှားအသင်းတို့ပွဲစဉ်တွင် ဗီယက်နမ်အသင်းက (၇-၁) ဂိုးဖြင့် အနိုင်ရရှိခဲ့သည်။

Standing

Pos	Team	Pld	W	D	L	GF	GA	GD	Pts
1	Vietnam	2	1	1	0	8	2	+6	4
2	Indonesia	2	1	1	0	7	1	+6	4
3	Thailand	1	1	0	0	6	2	+4	3
4	Myanmar	1	0	0	1	0	6	−6	0
5	Malaysia	2	0	0	2	3	13	−10	0

PHOTO GALLERY