
အိမ်ရှင် ဗီယက်နမ်ကို မြန်မာအမျိုးသမီး ဖူဆယ်အသင်း ရူံးနိမ့်
May 15, 2022
စင်ကာပူကို အနိုင်ရပြီး ဆီမီးဖိုင်နယ်သို့ တက်လှမ်းခဲ့သည့် မြန်မာ အမျိုးသမီးအသင်း
May 15, 2022(၃၁) ကြိမ်မြောက်ဆီးဂိမ်းစ် အမျိုးသားဘောလုံးပြိုင်ပွဲ အုပ်စု(က) ပွဲစဉ်အဖြစ် မြန်မာယူ-၂၃အသင်းနှင့် အင်ဒိုနီးရှား ယူ-၂၃ အသင်းတို့သည် ယနေ့ (မေ၁၅ရက်) တွင် Viet Tri stadium တွင် ယှဉ်ပြိုင်ကစားခဲ့ရာ မြန်မာအသင်းက အင်ဒိုနီးရှားအသင်းကို ၃-၁ ဂိုးဖြင့် အရေးနိမ့်ခဲ့သည်။
ယင်းပွဲစဉ်သည် နှစ်သင်းစလုံးအတွက် ဆီမီးဖိုင်နယ်တက်ရောက်ရေး အရေးပါသည့်ပွဲစဉ်ဖြစ်တာနှင့်အညီ အစွမ်းကုန်အကြိတ်အနယ်ယှဉ်ပြိုင်ကစားခဲ့ကြရာ ပွဲကောင်းတစ်ပွဲဖြစ်ခဲ့သည်။
မြန်မာအသင်းသည် ယခုပွဲစဉ်တွင် အိမ်ရှင်ဗီယက်နမ်အသင်းကို ရင်ဆိုင်ခဲ့သည့် လူစာရင်းအတိုင်းပြန်လည်အသုံးပြုခဲ့ပြီး ကွင်းလယ်ကစားသမား ရန်ကျော်စိုးနေရာတွင် တိုက်စစ်မှူး ထက်ဖြိုးဝေ ကိုပွဲထုတ်၍ တိုက်စစ်မြှင့်၍ ယှဉ်ပြိုင်ကစားခဲ့ပါသည်။

ပထမပိုင်းတွင် မြန်မာအသင်း၏ အထနှေးနေမှုကို အင်ဒိုနီးရှားအသင်းက ကောင်းစွာအသုံးချနိုင်ခဲ့ပြီး ပွဲအစ ၁၀မိနစ်အတွင်း ဦးဆောင်ဂိုး နှစ်ဂိုးဆက်တိုက်ခွင့်ပြုခဲ့ရသည်။ ဦးဆောင်ဂိုးခွင့်ပြုလိုက်ရပြီးနောက် မြန်မာအသင်း ချေပဂိုးရရှိရန် ကြိုးစားခဲ့သော်လည်း ကျစ်လစ်သော အင်ဒိုနီးရှားနောက်တန်းကစားပုံကြောင့် အခက်တွေ့ခဲ့ရသည်။ ပထမပိုင်းပြီးခါနီးတွင် နောက်ထပ်ဦးဆောင်ဂိုး တစ်ဂိုးထပ်မံခွင့်ပြုခဲ့ရသည်။
ဒုတိယပိုင်းတွင် မြန်မာအသင်းလူစားလဲမှုအများအပြားပြုလုပ်ခဲ့ပြီး ကစားပုံပိုမိုကောင်းမွန်လာခဲ့သည်။ အင်ဒိုနီးရှားအသင်းသည် နောက်တန်းကစားသမားအများအပြားကို ထည့်သွင်း၍ ပွဲရလဒ်ကို ထိန်းကစားရန်ကြိုးစားခဲ့သည်။ မြန်မာအသင်းအတွက် ချေပဂိုးကို ၀င်းနိုင်ထွန်းက ၆၇ မိနစ် တွင် သွင်းယူပေးခဲ့သည်။

မြန်မာအသင်းသည် အုပ်စုပွဲစဉ် (၄) ပွဲကစားပြီးချိန်တွင် နှစ်ပွဲနိုင်၊ နှစ်ပွဲရှုံး ရမှတ် ၆မှတ်ဖြင့် အုပ်စုတတိယနေရာတွင်သာ ရပ်တည်နိုင်ခဲ့ပြီး ဆီမီးဖိုင်နယ်တက်ရောက်ခွင့်လွဲချော်ခဲ့ပါသည်။
မြန်မာယူ-၂၃အသင်း၏ နည်းပြချုပ် ဗယ်လီဇာပိုပေါ့ဗ်က ” ပထမပိုင်းမှာ အာရုံစူးစိုက်မှုအချို့ အားနည်းခဲ့တာကြောင့် ဦးဆောင်ဂိုးတွေကို ခွင့်ပြုခဲ့ရပါတယ်။ ဒါပေမဲ့ ဒုတိယပိုင်းမှာ အကောင်းဆုံးပုံစံနဲ့ပြန်လာနိုင်ခဲ့ပါတယ်။ အင်ဒိုနီးရှားအသင်းက အရမ်းကိုအတွေ့အကြုံရှိတဲ့ အသင်းကောင်းတစ်သင်းပါ။ အသင်းရဲ့ ဒုတိယပိုင်းကစားပုံကြောင့် ကစားသမားတွေအတွက် ဂုဏ်ယူပါတယ်” ပွဲအပြီးသတင်းစာရှင်းလင်းပွဲတွင် ပြောကြားခဲ့သည်။
