(၃၁)ကြိမ်မြောက် ဆီးဂိမ်းစ် အမျိုးသား ဖူဆယ်ဘောလုံးပြိုင်ပွဲအဖြစ် မလေးရှားနှင့် မြန်မာအသင်းတို့ ယနေ့ (မေ ၂၀ရက်)တွင် Ha Nam Gymnasium၌ ယှဉ်ပြိုင်ကစားခဲ့ရာ (၄-၄)ဂိုး သရေရလဒ်ဖြင့် ပြီးဆုံးခဲ့သည်။

ယခုပွဲသည် နှစ်သင်းစလုံးအတွက် အရေးပါခြင်းမရှိသော်လည်း အကောင်းဆုံးယှဉ်ပြိုင်ကစားခဲ့ခြင်းကြောင့် ပွဲကောင်းတစ်ပွဲဖြစ်ခဲ့သည်။
မြန်မာအသင်းသည် ဇွဲပြည့်စုံ(ဂိုး)၊မျိုးသက်ဟန်၊ငြိမ်းမင်းစိုး၊ မျိုးမြင့်စိုး၊ သိုင်းဘွဲ့အောင်တို့ဖြင့် ပွဲထွက်ခဲ့ပြီး ပထမပိုင်းတွင် အကောင်းဆုံးပုံစံ
ပြသနိုင်ခဲ့သောကြောင့် (၄-၀) ဂိုးဖြင့် ဦးဆောင်ကစားခဲ့သည်။

မြန်မာအသင်းအတွက် ဂိုးများကို (၁၄) မိနစ်နှင့် (၁၉) မိနစ်တွင် သိုင်းဘွဲ့အောင်၊ (၁၄) မိနစ်တွင် မျိုးသက်အောင်၊ (၁၆) မိနစ်တွင် မျိုးမြင့်စိုးတို့က သွင်းယူပေးခဲ့ခြင်းဖြစ်သည်။

ဒုတိယပိုင်းတွင် မလေးရှားအသင်းက ပင်နယ်တီတစ်ဂိုးအပါအဝင် (၄) ဂိုး ပြန်လည်သွင်းယူခဲ့သောကြောင့် ပွဲအပြီးတွင် (၄-၄) ဂိုး သရေကျ
သွားခြင်းဖြစ်သည်။

အခြားပွဲစဉ်ဖြစ်သည့် အိမ်ရှင် ဗီယက်နမ်နှင့် ထိုင်းအသင်းတို့ပွဲတွင် ထိုင်းအသင်းက (၂-၀) ဂိုးဖြင့် အနိုင်ရရှိခဲ့သည်။ အုပ်စု ပထမရသောထိုင်းအသင်းက ရွှေတံဆိပ်၊ ဒုတိယရသော အင်ဒိုနီးရှားအသင်းက ငွေတံဆိပ်၊ တတိယရသော ဗီယက်နမ်အသင်းက ကြေးတံဆိပ် အသီး သီးရရှိခဲ့သည်။

Final Standing