မြန်မာနိုင်ငံဘောလုံးအဖွဲ့ချုပ် ဖူဆယ်နှင့် သဲသောင်ပြင်ဘောလုံး ကော်မတီအစည်းအဝေးကို ဇူလိုင် ၁၅ ရက် နေ့လယ်ပိုင်းက ရန်ကုန်မြို့ နိုဗိုတယ် ဟိုတယ်တွင် ကျင်းပခဲ့သည်။

အစည်းအဝေးသို့ ဖူဆယ်နှင့် သဲသောင်ပြင်ဘောလုံး ကော်မတီဥက္ကဋ္ဌ ဒေါက်တာရဲမွန်ထွဋ်၊ ဒုတိယ ဥက္ကဋ္ဌများ ဖြစ်ကြသော ဦးနိုင်သောင်းထိုက်၊ ဦးဖြိုးမောင်မောင်နှင့် ကော်မတီဝင်များ၊ မြန်မာနိုင်ငံဘောလုံးအဖွဲ့ချုပ် အထွေထွေအတွင်းရေးမှူး ဦးကိုကိုသိန်းနှင့် ဘောလုံးအဖွဲ့ချုပ်မှ တာဝန်ရှိသူများ တက်ရောက်ခဲ့ကြသည်။

ကော်မတီဥက္ကဋ္ဌ ဒေါက်တာရဲမွန်ထွဋ်နှင့် အထွေ‌ထွေ အတွင်းရေးမှူး ဦးကိုကိုသိန်းတို့က အဖွင့်အမှာစကား ပြောကြားပြီး အစည်းအဝေးကို စတင်ခဲ့သည်။ဆက်လက်၍ အစည်းအဝေးတွင် မြန်မာလက်ရွေးစင် ယူ-၁၈ ဖူဆယ် အသင်းဖွဲ့စည်းရေး၊ ဖူဆယ်လိဂ်ပြိုင်ပွဲများနှင့်ရှုံးထွက်ပြိုင်ပွဲများကျင်းပရေးနှင့် ဖူဆယ်အမျိုးသမီးလိဂ်ပြိုင်ပွဲကျင်းပရေး၊ ဖူဆယ် ကွင်းပြုပြင်ရေးနှင့် ဖူဆယ် Outdoor ကွင်း တည်ဆောက်ရေး နည်းပြသင်တန်းများဖွင့်လှစ်ရေးတို့ကို ဆွေးနွေးခဲ့ကြပြီး အစည်းအဝေးကို ရုတ်သိမ်းခဲ့သည်။