
အမျိုးသမီးဘောလုံး ကော်မတီအစည်းအဝေး ကျင်းပ
July 20, 2022
အာဆီယံ ချန်ပီယံရှစ် ၀င်ရောက်ယှဉ်ပြိုင်ရန် မြန်မာအမျိုးသမီး ယူ-၁၈အသင်း အင်ဒိုနီးရှားနိုင်ငံသို့ ထွက်ခွာ
July 21, 2022ဖိလစ်ပိုင်နိုင်ငံတွင် ကျင်းပပြုလုပ်ခဲ့သည့် ၂၀၂၂ အာဆီယံ အမျိုးသမီး ချန်ပီယံရှစ်တွင် ဗီယက်နမ်ကို (၄-၃) ဂိုးဖြင့် အနိုင်ယူပြီး တတိယနေရာ ရရှိခဲ့သည့် မြန်မာ့လက်ရွေးစင် အမျိုးသမီးအသင်းအား မြန်မာ နိုင်ငံဘောလုံးအဖွဲ့ချုပ် အမျိုးသမီး ဘောလုံး ကော်မတီမှ ဂုဏ်ပြုချီးမြှင့်ငွေ ကျပ်သိန်း (၅၀၀) ပေးအပ်သည့် အခမ်းအနားကို ဇူလိုင် ၂၀ ရက်က အဖွဲ့ချုပ် အစည်းအဝေးခန်းမတွင် ပြုလုပ်ခဲ့သည်။ အခမ်းအနားသို့ အမျိုးသမီး ဘောလုံး ကော်မတီ ဒု-ဥက္ကဋ္ဌ ဒေါ်မြတ်မြတ်ဦးနှင့် အဖွဲ့ဝင်များ၊ ဘောလုံးအဖွဲ့ချုပ် အလုပ်အမှုဆောင် အဖွဲ့ဝင် ဦးကိုကိုဌေး၊ ဘောလုံးအဖွဲ့ချုပ် အထွေထွေ အတွင်းရေးမှူး ဦးကိုကိုသိန်း၊ မြန်မာ့လက်ရွေးစင် အမျိုးသမီး အသင်းမှ အုပ်ချုပ်မှု၊ နည်းပြအဖွဲ့ဝင်များနှင့် ကစားသမားများ ၊ ဘောလုံးအဖွဲ့ချုပ်မှ တာဝန်ရှိသူများ တက်ရောက်ခဲ့သည်။

အခမ်းအနားတွင် အမျိုးသမီးအသင်း အုပ်ချုပ်သူ ဒေါ်မြတ်မြတ်ဦးမှ ပြိုင်ပွဲအတွင်း ကြုံတွေ့ခဲ့သည့် အခြေအနေများအား ရှင်းလင်း ပြောကြားခဲ့ပြီး အဖွဲ့ချုပ် အလုပ်အမှုဆောင်အဖွဲ့ဝင် ဦးကိုကိုဌေးမှ မြန်မာ့လက်ရွေးစင်အမျိုးသမီးအသင်း တတိယဆုရရှိခဲ့သည့်အပေါ် ဝမ်းသာပီတိစကား နှင့် အားပေးစကား ပြောကြားခဲ့သည်။ ယင်းနောက် အမျိုးသမီး အသင်း လက်ထောက်နည်းပြ ဒေါ်နုနုခိုင်ဝင်းမှ ကျေးဇူးတင်စကား ပြောကြားကာ အခမ်းအနားကို ရုတ်သိမ်းခဲ့သည်။



