အင်ဒိုနီးရှားနိုင်ငံက အိမ်ရှင်အဖြစ် လက်ခံကျင်းပနေသည့် AFF U-18 Women’s Championship 2022 ပြိုင်ပွဲ အုပ်စု(ခ) ပွဲစဉ်အဖြစ် ယနေ့ နေ့လယ်ပိုင်းက ယှဉ်ပြိုင်ကစားခဲ့သည့် မြန်မာနှင့် ဖိလစ်ပိုင် အသင်းတို့ပွဲစဉ်တွင် မြန်မာအသင်းက (၃-၁)ဂိုးဖြင့် အနိုင်ရရှိခဲ့သည်။

အဆိုပါ နိုင်ပွဲကြောင့် မြန်မာ အမျိုးသမီး ယူ၁၈ အသင်းသည် ရမှတ်(၆)မှတ် ရရှိခဲ့ပြီး အုပ်စုပွဲစဉ်မပြီးခင် တစ်ပွဲအလိုမှာပင် ဆီမီးဖိုင်နယ်သို့ တက်ရောက်ရန် အခြေအနေကောင်းသွားခဲ့သည်။

မြန်မာအမျိုးသမီး ယူ၁၈ အသင်းသည် ဇူလိုင် ၂၅ ရက်နေ့ ပွဲစဉ်တွင် မလေးရှား အသင်းအား (၂-၀)ဂိုး ဖြင့် အနိုင်ရရှိခဲ့ပြီး အုပ်စု နောက်ဆုံး ပွဲစဉ်အဖြစ် ဩစတြေးလျ အမျိုးသမီး ယူ၁၈ အသင်းနှင့် လာမည့် ဇူလိုင် ၂၉ ရက်တွင် ယှဉ်ပြိုင် ကစားရမည် ဖြစ်သည်။

၂၅ ဇူလိုင် ၂၀၂၂ မြန်မာ (၂-၀) မလေးရှား

၂၇ ဇူလိုင် ၂၀၂၂ မြန်မာ (၃-၁) ဖိလစ်ပိုင်