မြန်မာနိုင်ငံဘောလုံးအဖွဲ့ချုပ်နှင့် ဒိုင်ကော်မတီတို့ ပူးပေါင်းကျင်းပသည့် ဖူဆယ်ဒိုင်လူကြီး အလုပ်ရုံဆွေးနွေးပွဲ (၂၀၂၂)ကို ဩဂုတ် ၆ ရက်နံနက်ပိုင်းက သုဝဏ္ဏကွင်း အတွင်းရှိ သတင်းစာ ရှင်းလင်းပွဲ ခန်းမတွင် ကျင်းပခဲ့သည်။

အခမ်းအနားသို့ မြန်မာနိုင်ငံဘောလုံးအဖွဲ့ချုပ် ဒိုင်ကော်မတီ ဥက္ကဋ္ဌ ဦးထွန်းလှအောင်၊ ဘောလုံးအဖွဲ့ချုပ် အထွေထွေ အတွင်းရေးမှူး ဦးကိုကိုသိန်းနှင့် တာဝန်ရှိသူများ ဖူဆယ်ဒိုင်လူကြီးများနှင့် ဒိုင်ကြီးကြပ်များ တက်ရောက်ခဲ့ကြသည်။

ယင်းလုပ်ရုံဆွေးနွေးပွဲ ဖွင့်ပွဲကို ဒိုင်ကော်မတီ ဥက္ကဋ္ဌ ဦးထွန်းလှအောင်၊ ဘောလုံးအဖွဲ့ချုပ် အထွေထွေ အတွင်းရေးမှူး ဦးကိုကိုသိန်းတို့က အဖွင့်အမှာစကား အသီးသီးပြောကြားခဲ့ကြပြီး ဖွင့်လှစ်ခဲ့သည်။

စုစုပေါင်း ၂၇ဦးပါဝင်သော ဖူဆယ်ဒိုင်လူကြီး အလုပ်ရုံဆွေးနွေးပွဲကို ဩဂုတ် ၆ ရက်မှ ၈ ရက်အထိ သုံးရက်ကြာ ပြုလုပ်သွားမည်ဖြစ်သည်။