
ဗီယက်နမ် ယူ -၁၉ ဖိတ်ခေါ်ပြိုင်ပွဲ ဒုတိယပွဲစဉ်တွင် ထိုင်းအသင်းကို မြန်မာ ရူံးနိမ့်
August 7, 2022
အာဆီယံ ယူ-၁၆ ပြိုင်ပွဲတွင် အုပ်စုဗိုလ်ဖြင့် မြန်မာအသင်း အကြိုဗိုလ်လုပွဲတက်
August 8, 2022မြန်မာနိုင်ငံ ဘောလုံးအဖွဲ့ချုပ်(MFF) ဒိုင်ကော်မတီနှင့် ဒိုင်လုပ်ငန်းဌာနတို့ ပူးပေါင်းကျင်းပသည့် ဖူဆယ်ဒိုင်လူကြီး အလုပ်ရုံဆွေးနွေးပွဲ ပြီးဆုံးခြင်း အခမ်းအနားကို ဩဂုတ် ၈ ရက် နေ့လယ်ပိုင်းက သုဝဏ္ဏကွင်းအတွင်းရှိသတင်းစာရှင်းလင်းပွဲ ခန်းမတွင် ကျင်းပခဲ့သည်။

အခမ်းအနားသို့ မြန်မာနိုင်ငံဘောလုံးအဖွဲ့ချုပ် ဒိုင်ကော်မတီဥက္ကဋ္ဌ ဦးထွန်းလှအောင်၊ နည်းစနစ်ဒါရိုက်တာ ဦးတင်မြင့်အောင်နှင့် ဌာနတာဝန်ခံများ၊ ဖူဆယ်ဒိုင်လူကြီးများနှင့် ဒိုင်ကြီးကြပ်များ တက်ရောက်ခဲ့ကြသည်။

အခမ်းအနားတွင် ဒိုင်ကော်မတီ ဥက္ကဋ္ဌ ဦးထွန်းလှအောင်နှင့် နည်းစနစ်ဒါရိုက်တာ ဦးတင်မြင့်အောင်တို့က အမှာ စကားအသီးသီးပြောကြားခဲ့ပြီး သင်တန်းသားတစ်ဦးက ကျေးဇူးတင်စကား ပြောကြားခဲ့သည်။ ယင်းနောက်စုပေါင်းအမှတ်တရ ဓာတ်ပုံ ရိုက်ကူးခြင်းပြုလုပ်ကာ အခမ်းအနားကို ရုပ်သိမ်းခဲ့သည်။

ဖူဆယ်ဒိုင်ကြီးကြပ် ၃ ဦးနှင့် ဖူဆယ်ဒိုင်လူကြီး ၂၇ ဦးတို့ ပါဝင်ဆွေးနွေးခဲ့ကြသော ဖူဆယ်ဒိုင်လူကြီး အလုပ်ရုံဆွေးနွေးပွဲကို ဩဂုတ် ၆ ရက်မှ ၈ ရက်အထိ (၃)ရက်ကြာ ပြုလုပ်ခဲ့ခြင်းဖြစ်သည်။
