မြန်မာနိုင်ငံ ဘောလုံးအဖွဲ့ချုပ် Media and Communication Committee မှစီစဉ်ကျင်းပသည့် MFF Sports Production Workshop 2022 အား အောက်တိုဘာ ၂၉နှင့် ၃၀ ရက်က မြန်မာနိုင်ငံ ဘောလုံးအဖွဲ့ချုပ်ရုံးတွင် ၂ ရက်ကြာ ကျင်းပပြုလုပ်ခဲ့သည်။ အဆိုပါ အလုပ်ရုံဆွေးနွေးပွဲအား Media and Communication Committee မှဒုတိယ ဥက္ကဋ္ဌ ဦးပြည့်ဖြိုးဟန်နှင့် ကော်မတီအဖွဲ့ဝင် ဦးလင်းသစ်လွင်မော်တို့က ဆွေးနွေးပို့ချခဲ့ပြီး မြန်မာနိုင်ငံဘောလုံးအဖွဲ့ချုပ်၊ မြန်မာနေရှင်နယ်လိဂ်၊ မြန်မာနေရှင်နယ်လိဂ် ကလပ်အသင်းများမှ ဝန်ထမ်းများ စုစုပေါင်း ၂၅ ဦးတက်ရောက် ဆွေးနွေးခဲ့ကြသည်။

MFF Sports Production Workshop 2022 ဖွင့်ပွဲအခမ်းအနားကို အောက်တိုဘာ ၂၉ ရက်နေ့ မွန်းလွဲပိုင်းက ကျင်းပပြုလုပ် ခဲ့ပြီး မြန်မာနိုင်ငံ ဘောလုံးအဖွဲ့ချုပ် Media and Communication Committee မှ ကော်မတီဥက္ကဋ္ဌ ဦးချစ်ဝင်းမောင်၊ ဒုတိယ ဥက္ကဋ္ဌ ဦးအောင်မျိုးရှိန်နှင့် ဦးပြည့်ဖြိုးဟန်၊ အဖွဲ့ဝင်များ ဖြစ်သည့် ဦးမြတ်ထွဋ်ဝင်း၊ ဦးထွန်းထွန်းဦး(လှိုင်)၊ ဦးလင်းသစ်လွင်မော်၊ အဖွဲ့ချုပ် အထွေထွေ အတွင်းရေးမှူး ဦးကိုကိုသိန်း နှင့် ဌာနတာဝန်ခံများ၊ အလုပ်ရုံဆွေးနွေးပွဲ တက်ရောက်သည့် ဌာနအသီးသီးမှ ဝန်ထမ်းများ တက်ရောက်ခဲ့ကြသည်။

MFF Sports Production Workshop ကိုပြည်တွင်း ဘောလုံးပြိုင်ပွဲများတွင် ရုပ်သံထုတ်လွှင့်ခြင်းနှင့် ဘောလုံးတိုးတက်ရေး လှုပ်ရှားမှုများအား Program များဖြင့် ရိုက်ကူးထုတ်လုပ်ခြင်းကဏ္ဏများ ပိုမိုတိုးတက်ကောင်းမွန်ရေး အတွက် စီစဉ်ကျင်းပခြင်း ဖြစ်သည်။