အာရှဘောလုံးအဖွဲ့ချုပ် နှင့် မြန်မာနိုင်ငံဘောလုံးအဖွဲ့ချုပ်(MFF)တို့ ပူးပေါင်းဖွင့်လှစ်သည့် AFC Futsal Level –1 Coaching Certificate Course သင်တန်းဖွင့်ပွဲ အခမ်းအနားကို နိုဝင်ဘာ ၇ ရက် နံနက်ပိုင်းက မြန်မာနိုင်ငံဘောလုံးအဖွဲ့ချုပ် အစည်းအဝေးခန်းမ၌ ကျင်းပခဲ့သည်။

အခမ်းအနားသို့ မြန်မာနိုင်ငံဘောလုံးအဖွဲ့ချုပ် ဖူဆယ်နှင့် သဲသောင်ပြင် ကော်မတီ ဥက္ကဋ္ဌ ဒေါက်တာ ရဲမွန်ထွဋ်၊သင်တန်းနည်းပြဆရာများ ဖြစ်ကြသော ဦးဌေးမြင့်၊ ဦးတင်မောင်ဌေး၊ ဦးကျော်ဇင်ညွန့် ၊ ဘောလုံးအဖွဲ့ချုပ်မှတာဝန်ရှိသူများနှင့် သင်တန်းသား သင်တန်းသူများ တက်ရောက်ခဲ့ကြသည်။

အခမ်းအနားတွင် မြန်မာနိုင်ငံဘောလုံးအဖွဲ့ချုပ် ဖူဆယ်နှင့် သဲသောင် ပြင်ကော်မတီ ဥက္ကဋ္ဌ ဒေါက်တာရဲမွန်ထွဋ်နှင့် သင်တန်းနည်းပြဆရာဦးဌေးမြင့်တို့က သင်တန်းအဖွင့် အမှာစကား အသီးသီး ပြောကြားခဲ့သည်။

ထို့နောက် သင်တန်းဖွင့်ပွဲသို့ တက်ရောက်လာသည့် တာဝန်ရှိသူများနှင့် သင်တန်းသား သင်တန်းသူများ အမှတ်တရ ဓါတ်ပုံရိုက်ကူးခဲ့ကြပြီး အခမ်းအနားကို ရုတ်သိမ်းခဲ့သည်။

AFC Futsal Level – 1 Coaching Certificate Course သင်တန်းကို နိုင်ဝင်ဘာ ၇ ရက်မှ ၁၂ ရက်အထိ ဖွင့်လှစ်သွားမည် ဖြစ်ပြီးသင်တန်း သား ၁၈ဦးနှင့် သင်တန်းသူ ၁ ဦးတက်ရောက်လျက်ရှိသည်။