မြန်မာနိုင်ငံဘောလုံးအဖွဲ့ချုပ်နှင့် ဒိုင်ကော်မတီ ဌာနတို့ ပူးပေါင်းဖွင့်လှစ်သည့် MFF Futsal Referee WorkshopFor 2023 ဖွင့်ပွဲအခမ်းအနားကို ဖေဖော်ဝါရီ ၂၃ ရက်နံနက်ပိုင်းက သုဝဏ္ဏကွင်းအတွင်းရှိ သတင်းစာရှင်းလင်းပွဲခမ်းမတွင် ကျင်းပခဲ့သည်။

အခမ်းအနားသို့ မြန်မာနိုင်ငံဘောလုံးအဖွဲ့ချုပ် အကြံပေး ဦးဘန်နီတင်အောင်၊ အထွေထွေအတွင်းရေးမှူး ဦးကိုကိုသိန်း၊ ဒိုင်ကော်မတီဥက္ကဋ္ဌ ဦးထွန်းလှအောင်၊ ဖူဆယ်နှင့် သဲသောင်ပြင် ကော်မတီ ဒုတိယ ဥက္ကဋ္ဌ ဦးနိုင်သောင်းထိုက်နှင့် ဘောလုံးအဖွဲ့ချုပ်မှ တာဝန်ရှိသူများ၊ ဖူဆယ်ဒိုင်လူကြီးများ တက်ရောက်ခဲ့ကြသည်။

အခမ်းအနားတွင် အထွေထွေအတွင်းရေးမှူးဦးကိုကိုသိန်းနှင့် ကော်မတီဥက္ကဋ္ဌ ဦးထွန်းလှအောင်နှင့် ဦးနိုင်သောင်းထိုက်တို့က အဖွင့်အမှာစကားပြောကြားခဲ့သည်။

MFF Futsal Referee Workshop For 2023 တွင် ကမ္ဘာ့ဘောလုံးအဖွဲ့ချုပ်မှ ပြောင်းလဲလိုက်သော ဖူဆယ် ဥပဒေများနှင့် ပတ်သက်ပြီး ဆွေးနွေးကြမည်ဖြစ်သည်။ဖူဆယ်ဒိုင်လူကြီး ၂၅ ဦးပါဝင်သော MFF Men Referee Workshop For 2023 ကို ဖေဖော်ဝါရီ ၂၃ ရက်မှ ၂၅ရက်အထိ ၃ ရက်ကြာကျင်းပသွားမည်ဖြစ်သည်။