
မြန်မာ ယူ-၁၇ အမျိုးသမီးအသင်း ဂျပန် ဖိတ်ခေါ်ပြိုင်ပွဲ ဝင်ရောက်ယှဉ်ပြိုင်မည်
March 15, 2023
အိန္ဒိယ ဖိတ်ခေါ်ပြိုင်ပွဲ သွားရောက်မည့် မြန်မာ့လက်ရွေးစင် ကစားသမား (၂၄)ဦး စာရင်း
March 16, 2023မြန်မာနိုင်ငံ ဘောလုံး အဖွဲ့ချုပ် (MFF)သည် ယခုနှစ်အတွင်း ဝင်ရောက်ယှဉ်ပြိုင်ရမည့် နိုင်ငံတကာ ပြိုင်ပွဲအသီးသီး အတွက် ဂျာမနီ နည်းပြ မိုက်ကယ် ဖိုက်တန်ဘိုင်နာ (Michael Feichtenbeiner)အား (၂)နှစ်စာချုပ်ဖြင့် ၂၀၂၃ ခုနှစ် မတ်လမှစတင် ခန့်အပ်တာဝန်ပေး လိုက်သည်။ အသက် ၆၃ နှစ်အရွယ် မိုက်ကယ်သည် နည်းပြဘဝအား ၁၉၈၉ ခုနှစ်တွင် ဆွစ်ဇာလန် ကလပ် BSC Old Boys Basel နှင့် စတင်ခဲ့ပြီး ဂျာမနီ၊ဩစတြီးယား၊ အင်ဒိုနီးရှား၊ မလေးရှား တို့မှကလပ်အသင်းများအား တာဝန်ယူခဲ့သည်။ ၂၀၁၆ မှ ၂၀၁၉ ခုနှစ်အထိ ဂျာမနီ ယူ၁၅၊ ယူ၁၇ လက်ရွေးစင် အသင်းများအား ကိုင်တွယ်ခဲ့ပြီး ၂၀၂၀ မှစတင်ကာ မလေးရှားကလပ် ဆီလန်ဂေါတွင် နည်းစနစ် ဒါရိုက်တာ၊ နည်းပြချုပ် တာဝန်များ ထမ်းဆောင်ခဲ့သည်။ ၂၀၂၂ တွင် ဆီလန်ဂေါနှင့် လမ်းခွဲခဲ့ပြီးနောက် လစ်လပ်လျက်ရှိသည့် မြန်မာ့လက်ရွေးစင် အသင်းနည်းပြချုပ် နေရာအား လျှောက်ထားခဲ့သည်။
မိုက်ကယ်သည် မြန်မာ့လက်ရွေးစင် အသင်းနည်းပြချုပ် ရာထူးအား အခြားနိုင်ငံများမှ နည်းပြများနှင့် ယှဉ်ပြိုင်ရွေးချယ်မှု ခံယူရပြီးနောက် မြန်မာနိုင်ငံ ဘောလုံး အဖွဲ့ချုပ်နှင့် ၂ နှစ်စာချုပ် တစ်ရပ်အား ချုပ်ဆိုနိုင်ခဲ့သည်။ မိုက်ကယ်သည် လက်ထောက်နည်းပြ လောရင့်ဇ်၊ ဂိုးနည်းပြ မိုက် အန်ဒရီ တို့နှင့်အတူ မြန်မာ့လက်ရွေးစင် အသင်းအား တာဝန်ယူမည် ဖြစ်ပြီး ယခုနှစ်အတွင်း ယှဉ်ပြိုင်ရမည့် ၂၀၂၃ ဆီးဂိမ်းစ် အမျိုးသား ဘောလုံးပြိုင်ပွဲအတွက် မြန်မာယူ၂၃ အသင်းကိုလည်း တာဝန်ယူကိုင်တွယ်သွားမည် ဖြစ်သည်။
မြန်မာနိုင်ငံ ဘောလုံးအဖွဲ့ချုပ်သည် မိုက်ကယ်၏ နည်းပြအဖွဲ့သို့ ဦးမျိုးလှိုင်ဝင်း၊ ဦးဇော်ဝင်းထွန်း၊ ဦးမောင်မောင်မြင့်၊ ဦးကိုကိုအောင် (ဂိုးနည်းပြ)၊ ဦးဇော်လင်းအောင် (ဂိုးနည်းပြ)တို့ကို တွဲဖက်တာဝန်ပေးအပ်ထားသည်။