မြန်မာနိုင်ငံ ဘောလုံးအဖွဲ့ချုပ် လူငယ်ပြိုင်ပွဲ ကျင်းပရေးကော်မတီ (Youth Competition Committee) အစည်းအဝေး ကို အောက်တိုဘာ ၁၃ရက်က မြန်မာနိုင်ငံ ဘောလုံးအဖွဲ့ချုပ် အစည်းအဝေးခန်းမတွင် ကျင်းပခဲ့သည်။

အစည်းအဝေးသို့ ကော်မတီ ဥက္ကဋ္ဌ ဦးမင်းလှိုင်၊ ဒုတိယ ဥက္ကဋ္ဌ များဖြစ်သည့် ဦးကိုကိုဌေး နှင့် ဦးထောင်ထာထန်း၊ အဖွဲ့ဝင် မြန်မာနေရှင်နယ်လိဂ် စီအီးအို ဦးစိုးမိုးကျော်၊ ဦးကျော်ဆန်း၊ မြန်မာနိုင်ငံ ဘောလုံးအဖွဲ့ချုပ် အထွေထွေ အတွင်းရေးမှူး ဦးကိုကိုသိန်း၊ ဘောလုံးအဖွဲ့ချုပ် နည်းစနစ် ဒါရိုက်တာ ဦးတင်မြင့်အောင်နှင့် တာဝန်ရှိသူများ တက်ရောက်ခဲ့သည်။

ကော်မတီ အစည်းအဝေးတွင် ရှေးဦးစွာ ကော်မတီ ဥက္ကဋ္ဌ ဦးမင်းလှိုင်က အဖွင့်အမှာစကား ပြောကြားပြီးနောက် အထွေထွေအတွင်း ရေးမှူး ဦးကိုကိုသိန်းက မြန်မာနိုင်ငံ ဘောလုံးအဖွဲ့ချုပ်မှ ပြုလုပ်သွားမည့် လူငယ်ပြိုင်ပွဲများ၊ ကျင်းပြုလုပ်လျက်ရှိသည့် FIFA -MFF U 15 ပြိုင်ပွဲနှင့်ပတ်သက်ပြီး ရှင်းလင်းတင်ပြခဲ့သည်။

ယင်းနောက် အစည်းအဝေး တက်ရောက်လာသူများက လူငယ်ပြိုင်ပွဲများနှင့် ပတ်သက်၍ ဆွေးနွေးမှုများ ပြုလုပ်ကာ အစည်းအဝေးကို ရုတ်သိမ်းခဲ့သည်။