မန္တလေးတိုင်းဒေသကြီးအပါအဝင် အထက်မြန်မာပြည်တစ်ခုလုံး၌ ဖူဆယ်ဘောလုံးလောက ဖွံ့ ဖြိုးတိုးတက် ရေးအတွက် ဆွေးနွေးမှုများကို မေလ ၂၉ ရက် နံနက်ပိုင်းက မြန်မာဘောလုံးအကယ်ဒမီ (မန္တလေး) ရှိ အစည်းအဝေးခန်းမတွင် ကျင်းပခဲ့သည်။

အခမ်းအနားသို့ မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်၊ ဖူဆယ်နှင့် သဲသောင်ပြင် ကော်မတီဥက္ကဋ္ဌ ဦးဝင်းသော်၊ မြန်မာနိုင်ငံ‌ဘောလုံးအဖွဲ့ချုပ်မှ တာဝန်ရှိသူများ၊ မန္တလေးတိုင်းဒေသကြီး ဖူဆယ်နှင့် သဲသောင်ပြင်ကော်မတီမှ တာဝန်ရှိသူများ ဌာနဆိုင်ရာများမှ တာဝန်ရှိသူများ တက်ရောက်ခဲ့ကြသည်။

အစည်းအဝေးတွင် မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်က အဖွင့်အမှာစကားပြောကြားခဲ့ပြီး၊ မန္တလေးတိုင်းဒေသကြီး အတွင်း ဖူဆယ်ပြိုင်ပွဲများ ကျင်းပရေး၊ နည်းပြသင်တန်းများ ဖွင့်လှစ်နိုင်ရေး၊ ဖူဆယ်ဒိုင်လူကြီး သင်တန်းများဖွင့်လှစ်သင်ကြားနိုင်ရေး၊ ကလပ်အသင်းများ အဆင့်အတန်းမြင့်မားစွာ ဖွဲ့စည်းနိုင်ရေး၊ အမျိုးသမီး ကလပ်အသင်းများ ဖွဲ့စည်းနိုင်ရေး၊ လူငယ်မျိုးဆက်သစ်များ စဉ်ဆက်မပြတ် ပေါ်ထွက်လာရေး ကိစ္စရပ်များကို ဆွေးနွေးခဲ့ကြသည်။