အိန္ဒိယနှင့်ကစားမည့် နိုင်ငံတကာ ခြေစမ်းပွဲစဥ်အတွက် သုဝဏ္ဏကွင်းရှိ လက်ရွေးစင်များ အဆောင်တွင် လေ့ကျင့်ပြင်ဆင်မှုများပြုလုပ်နေသည့် မြန်မာ့လက်ရွေးစင် အမျိုးသမီးအသင်းကို ယနေ့ညနေပိုင်းက မြန်မာနိုင်ငံဘောလုံးအဖွဲချုပ် ဒု – ဥက္ကဋ္ဌနှင့်ဆေးဘက်ဆိုင်ရာ ကော်မတီ ဥက္ကဋ္ဌ ဒေါက်တာ ဒေါ်ခင်စောဦး လာ ရောက်တွေ့ဆုံခဲ့သည်။

အဆိုပါ တွေ့ဆုံပွဲသို မြန်မာ့လက်ရွေးစင် အသင်းနည်းပြချုပ် ယုကီနှင့် နည်းပြအဖွဲဝင်များ၊ ကစားသမားများ ၊ဘောလုံးအဖွဲချုပ်မှ တာဝန်ရှိသူများ တက်ရောက်ခဲ့ပြီး မြန်မာနိုင်ငံဘောလုံးအဖွဲချုပ်ဒု – ဥက္ကဋ္ဌနှင့် ဆေးဘက်ဆိုင်ရာကော်မတီဥက္ကဋ္ဌ ဒေါက်တာ ဒေါ်ခင်စောဦးက အိန္ဒိယနှင့် ကစားမည့်ခြေစမ်းပွဲစဥ်တွင် အနိုင်ရရှိရေး ကြိုးစားသွားရန်၊ မိုးရာသီ ဖြစ်သောကြောင့် ရာသီတုပ်ကွေးအား သတိထားရန်၊ ကျန်းမာကြံ့ခိုင်မှုနှင့် စိတ်ပိုင်းဆိုင်ရာကို ပြင်ဆင်ထားရန် ပြောကြားခဲ့သည်။