၂၀၁၈ခုနှစ်၊သြဂုတ်လတွင်မြို့နယ်ဘောလုံးအဖွဲ့ချုပ်များအတည်ပြုကြေညာခြင်းအခမ်းနားကို မန္တလေးမြို့တွင် ကျင်းပခဲ့ပြီးမြို့နယ်ဘောလုံးအဖွဲ့ချုပ်အသီးသီးမှတာဝန်ရှိသူများနှင့်ဥက္ကဌဦးဇော်ဇော်တို့တွေ့ဆုံခဲ့ကြသည်။ 

ယင်းတွေ့ဆုံမှုတွင်ဦးဇော်ဇော်ကမြို့နယ်ဘောလုံးအဖွဲ့ချုပ်များ၏တာဝန်များ၊လုပ်ငန်းဆောင်တာများ အကြောင်းများကို အကျယ်တဝင့်ရှင်းလင်းပြောကြားခဲ့သည်။ ၂၀၂၀ပြည့်နှစ်တွင်ကျင်းပခဲ့သည့် MFF Congress တွင်လည်းတစ်နိုင်ငံလုံးမှမြို့နယ်ဘောလုံးအဖွဲ့ချုပ်များကို ဖိတ်ကြားခဲ့ပြီး ဒုတိယအကြိမ်တွေ့ဆုံမှုပြုလုပ်ခဲ့သည်။

မြို့နယ်ဘောလုံးအဖွဲ့ချုပ်များနှင့် ပူးပေါင်းဆောင်ရွက်၍ သက်ဆိုင်ရာမြို့နယ်များတွင် နည်းပြသင်တန်းများ၊ ဒိုင်သင်တန်းများ၊အခြေခံဘောလုံးသင်တန်းများကိုဖွင့်လှစ်ပေးနိုင်ခဲ့ပြီးအနာဂတ်တွင်လည်း အလားတူ သင်တန်းများကို ဆက်လက်ဖွင့်လှစ်နိုင်ရန်စီစဉ်လျက်ရှိသည်။ လက်ရှိတွင်မြို့နယ်ဘောလုံးအဖွဲ့ချုပ်များနှင့် ပူးပေါင်း၍မြို့နယ်အသီးသီးတွင်သက်တမ်းအလိုက် ဘောလုံးပြိုင်ပွဲများ ကျင်းပနိုင်ရန် စီစဉ်လျက်ရှိသည်။

MFF အနေဖြင့် ပြည်တွင်း မြို့နယ်အသီးသီးတွင် နည်းပြသင်တန်းများ၊ အခြေခံဘောလုံးသင်တန်းများ၊ ဒိုင်သင်တန်းများနှင့် လူငယ်ဘောလုံးပွဲတော်များကို မြို့နယ်ဘောလုံးအဖွဲ့ချုပ်များနှင့် အစဉ်မပြတ် ပူးပေါင်း ဖွင့်လှစ်ပေးသွားမည်ဖြစ်သည်။ နည်းပြသင်တန်းပေါင်းများစွာကိုလည်းဖွင့်လှစ်နိုင်ခဲ့သည်။

မြို့နယ်အခြေခံပညာဦးစီးဌာနနှင့် တာချီလိတ်မြို့နယ် ဘောလုံးအဖွဲ့ချုပ်တို့ ပူးပေါင်းကျင်းပသည့် အသက် ၁၆၊ ၁၄၊ ၁၂နှစ်အောက် လူငယ်ဘောလုံးပြိုင်ပွဲ ဆုချီးမြှင့်ပွဲအခမ်းနားကို ၁-၉-၂၀၁၉တွင်ကျင်းပပြုလုပ်ခဲ့ပြီး မြန်မာနိုင်ငံဘောလုံးအဖွဲ့ချုပ်ကိုယ်စားမြန်မာနိုင်ငံဘောလုံးအဖွဲ့ချုပ်၊မြို့နယ်ဘောလုံးအဖွဲ့ချုပ်များဌာန ‌ဒါရိုက်တာဦးသန်းဝင်းမှ ထောက်ပံပစ္စည်းများပေးအပ်ခဲ့ပြီး အောင်ပွဲရကစားသမားများအားဆုချီးမြှင့်ခဲ့ပါသည်။