၂၀၁၆ အာဆီယံအမျိုးသမီးချန်ပီယံရှစ်ဘောလုံးပြိုင်ပွဲ ပွဲဦးထွက် ပွဲစဉ်အဖြစ် မြန်မာ့လက်ရွေးစင်အမျိုးသမီးအသင်းနှင့် တီမော အသင်းနှင့် ကစားရမည်ဖြစ်သည်။

၂၀၁၆ အာဆီယံအမျိုးသမီးချန်ပီယံရှစ်ဘောလုံးပြိုင်ပွဲကို ၂၀၁၆ ဇူလိုင် ၂၆ ရက်မှ သြဂုတ် ၄ ရက်ထိ မန္တလေးမြို့ တွင် ပြုလုပ် မည်ဖြစ်သည်။ ပြိုင်ပွဲ၏ အုပ်စု(က)တွင် ထိုင်း၊ ဗီယက်နမ်၊ ဖိလစ်ပိုင်၊ စင်ကာပူအသင်းတို့ ပါဝင်နေပြီး အုပ်စု(ခ)တွင် အိမ်ရှင်မြန်မာ၊ သြစတြေးလျ ယူ ၂၀၊ မလေးရှားနှင့် တီမော အသင်းတို့ ပါဝင်နေသည်။ မြန်မာ့လက်ရွေးစင် အမျိုးသမီးဘောလုံး အသင်းသည် အုပ်စု ပွဲဦးထွက် ပွဲစဉ်အဖြစ် ဇူလိုင် ၂၇ ရက်တွင် တီမောအသင်း၊ ဇူလိုင် ၂၉ ရက်တွင် မလေးရှားအသင်း၊ ဇူလိုင် ၃၁ ရက်တွင် သြစတြေးလျ ယူ ၂၀ အသင်းတို့နှင့် ကစားမည်ဖြစ်သည်။ အိမ်ရှင်မြန်မာအသင်းသည် ပြီးခဲ့ သည့် ၂၀၁၅ ခုနှစ် ဗီယက်နမ်နိုင်ငံတွင် ပြုလုပ်ခဲ့သည့် အာဆီယံအမျိုးသမီးချန်ပီယံရှစ်ဘောလုံးပြိုင်ပွဲ တွင် ဗိုလ်လုပွဲထိ တက်ရောက်နိုင်ခဲ့ပြီး ဗိုလ်လုပွဲတွင် ထိုင်းအသင်းကို ရှုံးနိမ့်ကာ ဒုတိယရရှိခဲ့သည်။ လက်ရှိအချိန်တွင် မြန်မာအမျိုးသမီးအသင်းနှင့် ဂျပန်နိုင်ငံသို့ သွားရောက် လေ့ ကျင့်ခြေစမ်းကစားနေပြီး မေ ၂၅ ရက်တွင် ရန်ကုန်မြို့သို့ ပြန်လည်ရောက်ရှိမည်ဖြစ်သည်။ ထို့ပြင် လက်ရွေးစင်အမျိုးသမီး အသင်း သည် လာမည့် ဇွန် ၄၊ ၇ ရက်များတွင် ရန်ကုန်မြို့၊ သုဝဏ္ဏဘောလုံးကွင်း၌ တောင်ကိုရီးယား လက်ရွေးစင်အသင်းနှင့် ခြေစမ်း ကစားမည်ဖြစ်သလို ဇူလိုင် ၉ ရက်တွင် မန္တလေးမြို့၌ ထိုင်းလက်ရွေး စင်အသင်းနှင့် ထပ်မံခြေစမ်းကစားရန် စီစဉ်ထားသည်။