ဂျပန်နိုင်ငံသို့ လေ့ကျင့်ခြေစမ်းရန် ရောက်ရှိနေသည့် မြန်မာ့လက်ရွေးစင် အမျိုးသမီးဘောလုံးအသင်းသည် မေ ၂၃ ရက်က JEF United အသင်းကို ၂-၀ ဂိုးဖြင့် ရှုံးနိမ့်ခဲ့ပြီး သုံးပွဲဆက် ရှုံးပွဲ ကြုံတွေ့ခဲ့သည်။

မေ ၂၃ ရက်က ကစားခဲ့သည့် ခြေစမ်းပွဲတွင် JEF United အသင်းအတွက် ဦးဆောင်ဂိုးကို ပွဲချိန် ၇ မိနစ်တွင် ရရှိခဲ့ပြီး ဒုတိယ ဦးဆောင်ဂိုးကို ပွဲချိန် ၆၃ မိနစ်တွင် ရရှိခဲ့ခြင်းဖြစ်သည်။ လက်ရှိတွင် လက်ရွေးစင် အမျိုးသမီးဘောလုံး အသင်းသည် ခြေစမ်းပွဲ လေးပွဲ ကစားထားပြီး တစ်ပွဲ သရေ၊ သုံးပွဲ ရှုံးထားသည်။ မြန်မာအမျိုးသမီးဘောလုံးအသင်းသည် ဂျပန်လေ့ကျင့်ရေးခရီး စဉ် နောက်ဆုံး ခြေစမ်း ပွဲအဖြစ် မေ ၂၄ ရက်တွင် Seisa Gakuen နှင့် ထပ်မံခြေစမ်းကစားမည်ဖြစ်သည်။ မြန်မာအသင်းသည် ဂျပန်နိုင်ငံတွင် မေ ၂၅ ရက် ထိ နေထိုင်လေ့ကျင့်မည်ဖြစ်သည်။ ထို့နောက် မြန်မာအမျိုးသမီးအသင်းအနေဖြင့် တောင်ကိုရီးယား၊ ထိုင်းစသည့် အသင်းများနှင့် ထပ်မံခြေစမ်း ကစားရန် စီစဉ်ထားသည်။