AFF Myanmar Futsal Club Championship 2016 အမျိုးသမီး အုပ်စုနောက်ဆုံးပွဲစဉ်များကို ဇူလိုင် ၁၄ ရက်က ယှဉ်ပြိုင်ကစားခဲ့ပြီး လက်ရှိချန်ပီယံ ဗီယက်နမ်ကလပ် ထိုင်ဆောင်နမ်အသင်းသည် အုပ်စုနောက်ဆုံးပွဲစဉ်တွင် ထိုင်းကလပ် ခွန်ခမ်အသင်းကို ရှုံးနိမ့်ခဲ့၍ ဗိုလ်လုပွဲသို့ တက်ရောက်ခွင့် လွဲချော်ခဲ့ရသည်။

အုပ်စုနောက်ဆုံးပွဲစဉ်တွင် ထိုင်ဆောင်နမ်အသင်းသည် ခွန်ခမ်အသင်းကို ၃-၀ ဂိုးဖြင့် ဦးဆောင်ကစားနိုင်ခဲ့သော်လည်း ခွန်ခမ် အသင်း၏ နောက်ကျချေပဂိုးများကြောင့် ပွဲအပြီး၌ ၄-၃ ဂိုးဖြင့် ပြန်လည်ရှုံးနိမ့်ခဲ့ခြင်းဖြစ်သည်။ ခွန်ခမ်အသင်းသည် ဗိုလ်လုပွဲအဖြစ် ဇူလိုင် ၁၆ ရက် ညနေ ၄း၃၀ အချိန်တွင် အင်ဒိုနီးရှားကလပ် ဂျာရာအသင်းနှင့် ယှဉ်ပြိုင်ကစားရမည်ဖြစ်သည်။ အမျိုးသမီးပြိုင်ပွဲ၏ တတိယနေရာလုပွဲကို ဇူလိုင် ၁၆ ရက် ၁၁း၃၀ အချိန်တွင် ပြုလုပ်မည်ဖြစ်ပြီး တတိယနေရာလုပွဲတွင် ထိုင်ဆောင်နမ်အသင်းနှင့် ဘန် ကောက်အသင်းတို့ ယှဉ်ပြိုင်ကစားကြမည်ဖြစ်သည်။

(ဗိုလ်လုပွဲနှင့် လွဲခဲ့သည့် ဗီယက်နမ်ကလပ် ထိုင်ဆောင်နမ်အသင်း)