AFF Myanmar Futsal Club Championship 2016 ဘောလုံးပြိုင်ပွဲသို့ မြန်မာနိုင်ငံ ကိုယ်စားပြု ဝင်ရောက်ယှဉ်ပြိုင်နေသည့် MIC အသင်းသည် လာမည့် ဇူလိုင် ၁၆ ရက်၊ မွန်းလွဲ ၂း၀၀ နာရီအချိန်တွင် အင်ဒိုနီးရှားကလပ် ဘလက်စတီးအသင်းနှင့် တတိယနေရာ လုပွဲ ယှဉ်ပြိုင်ကစားမည်ဖြစ်သည်။

MIC အသင်းသည် အုပ်စုနောက်ဆုံးပွဲစဉ်တွင် ဗီယက်နမ်ကလပ် ထိုင်ဆောင်နမ်အသင်းကို ၄-၁ ဂိုးဖြင့် ရှုံးနိမ့်ခဲ့သောကြောင့် ဗိုလ်လုပွဲ တက်ရောက်ခွင့်နှင့် ဝေးခဲ့ပြီး တတိယနေရာလုပွဲသာ ယှဉ်ပြိုင်ကစားခဲ့ရခြင်းဖြစ်သည်။ MIC အသင်းသည် အုပ်စုပွဲစဉ် လေးပွဲ ကစား ပြီး တွင် တစ်ပွဲ နိုင်၊ တစ်ပွဲ သရေ၊ နှစ်ပွဲ ရှုံး ရမှတ် လေးမှတ်ရရှိခဲ့သည်။ အမျိုးသားပွဲစဉ် တတိယနေရာလုပွဲအဖြစ် ယှဉ်ပြိုင်ကစားကြမည့် MIC အသင်းနှင့် ဘလက်စတီးအသင်းတို့၏ အုပ်စုပတ်လည်တွေ့ဆုံမှု၌ တစ်ဖက်တစ်ဂိုးစီဖြင့် သရေကြထားသည်။ ဘလက်စတီး အသင်းသည် အုပ်စုနောက်ဆုံးပွဲစဉ်တွင် လက်ရှိချန်ပီယံ ထိုင်းပေါ့စ်အသင်းအား ၃-၂ ဂိုးဖြင့် ရှုံးနိမ့်ထားသည်။ AFF Myanmar Futsal Club Championship 2016 အမျိုးသားပွဲစဉ် ဗိုလ်လုပွဲကို ဇူလိုင် ၁၆ ရက် ည ရး၀၀ နာရီတွင် ကစားမည်ဖြစ်ပြီး ဗိုလ်လုပွဲတွင် ထိုင်း ပေါ့စ် အသင်းနှင့် ထိုင်ဆောင်နမ်အသင်းတို့ ယှဉ်ပြိုင်ကစားကြမည်ဖြစ်သည်။ ထိုင်းပေါ့စ်နှင့် ထိုင်ဆောင်နမ်အသင်းတို့၏ အုပ်စုပတ် လည် တွေ့ဆုံမှုတွင် ထိုင်းပေါ့စ်အသင်းက ၄-၀ ဂိုးဖြင့် အနိုင်ရရှိထားသည်။

(အင်ဒိုနီးရှားကလပ် ဘလက်စတီးအသင်း)